Bláa Lónið - 01apíl.
Bláa Lónið - 01apíl.

Viðskipti

Umsvif hjá WOW air minnka í vetur
Þriðjudagur 7. ágúst 2012 kl. 11:10

Umsvif hjá WOW air minnka í vetur

Forsvarsmenn WOW air hafa ákveðið að draga enn frekar úr starfsseminni í vetur. Félagið mun því ekki að fljúga til Kaupmannahafnar eftir miðjan næsta mánuð. Ferðum félagsins til London verður einnig fækkað niður tvær á viku. Flogið verður til Gatwick flugvallar í London í vetur en ekki Stansted líkt og gert hefur verið í sumar.

Baldur Oddur Baldursson, framkvæmdastjóri WOW air, segir í samtali við vefsíðuna Túrista.is að ástæðan fyrir breytingunum sé sá mikli samdráttur sem eigi sér stað í ferðaþjónustunni á veturna. Hann telur því ekki vera markað fyrir fleiri flug en nú er lagt upp með. Auk ferðanna til London verður boðið upp á tvö flug í viku til Berlínar í allan vetur og til Alicante fram í lok október. Yfir háveturinn verður vikulegt flug til Salzburg í Austurríki.

Public deli
Public deli

WOW air hefur hingað til verið með tvær flugvélar á leigu en mun skila annarri þegar nýja vetraráætlunin er komin í gagnið.