Stofnun miðbæjarsamtaka undirbúin

Reykjanesbær og undirbúningsnefnd að stofnun miðbæjarsamtaka Reykjanesbæjar bjóða til kaffifundar á Ránni mánudaginn 14. júlí klukkan 20:00. Á fundinum verða kynntar hugmyndir um samstarf við fegrun Hafnargötunnar og farið yfir framvindu framkvæmda við Hafnargötu.Fundarefni:
· Framkvæmdir við Hafnargötuna og framvinda þeirra.
· Árleg umhverfisverðlaun til fyrirtækja, kynning.
· Umhverfisátak í ágúst – september.
· Miðbæjarsamtök undirbúningsnefnd.
· Hafnargata, nánari umhverfissýn!

Fyrir nokkrum mánuðum á kaffifundi á Kaffi DUUS þar sem verið var að ræða væntanlegar framkvæmdir á Hafnargötunni veltu Börkur Birgisson og Karvel Gränz upp þeirri hugmynd hvort eigendur á Hafnargötunni, verslunareigendur, iðnaðarmenn, fyrirtæki, málingaframleiðendur, verkfræðistofur, hönnuðir, og aðrir áhuga aðilar um Hafnargötuna gætu komið að verkefninu að fegra Hafnargötuna.

Á fundi hjá undirbúningsnefnd að stofnun miðbæjarsamtaka og fulltrúum Reykjanesbæjar þá var ákveðið að boða til fundar til að kynna þessar hugmyndir og fara yfir framvindu Hafnargötunnar.

Ein af hugmyndum undirbúningsnefndar er að setja í gang samkeppni um hönnun á besta litaval húsa við Hafnargötuna. Verðlaun væru síðan veitt fyrir bestu hugmyndina, en mjög mikilvægt er að vel takist til og samræmi sé í til dæmis í litavali.

Þessi atriði og fleiri verða kynnt á þessum kaffifundi og vonast fundarboðendur til þess að sem flestir áhugaðilar sem og hagsmunaðilar láti sjá sig og fái sér kaffibolla.