Sparisjóðurinn í Keflavík úthlutar námsstyrkjum

Árlegum námsstyrkjum í Námsmannaþjónustu Sparisjóðsins í Keflavík hefur verið úthlutað. Eftirtaldir námsmenn fengu styrk að upphæð kr. 125.000 í ár: Hanna María Kristjánsdóttir en hún lauk B.A. gráðu í þjóðfræði og fjölmiðlafræði frá Háskóla Íslands, Nanna Guðný Sigurðardóttir, sem lauk B.Sc. gráðu í sjúkraþjálfun frá Háskóla Íslands, Þorgeir Óskar Margeirsson sem útskrifaðist með B.S. gráðu í umhverfis- og byggingarverkfræði frá Háskóla Íslands og Þóra Guðrún Einarsdóttir en hún útskrifaðist sem kennari frá Kennaraháskóla Íslands.Dómnefndin sem sá um valið á styrkþegum er skipuð eftirtöldum aðilum:

Ólafur Arnbjörnsson, skólameistari Fjölbrautaskóla Suðurnesja, formaður dómnefndar
Skúli Thoroddsen, forstöðumaður Miðstöðvar símenntunar á Suðurnesjum
Aðalheiður Héðinsdóttir, framkvæmdastjóri Kaffitárs.

Í gegnum tíðina hefur Sparisjóðurinn í Keflavík stutt við bakið á námsfólki frá Suðurnesjum með ýmsum hætti og eru styrkveitingarnar hluti af Námsmannaþjónustu Sparisjóðsins. Hjá Sparisjóðnum stendur námsmönnum til boða margvísleg fjármálaþjónusta og má þar m.a. nefna hagstæð lán til námsmanna vegna tölvukaupa og bókastyrki sem úthlutaðir eru til 25 námsmanna í byrjun hverrar skólaannar.
Sparisjóðurinn í Keflavík hefur ætíð styrkt íþrótta- og menningarstarf á starfssvæði sínu og eru námsstyrkirnir mikilvægur hluti af því starfi. Námsstyrkir hafa nú verið veittir tólf ár í röð og hafa samtals 45 námsmenn fengið styrki.