Sjálgefið að atvinnulíf mun kólna á Suðurnesjum

Aðalfundur Samtaka Atvinnurekenda á Reykjanesi (SAR) var haldinn 30 maí síðastliðinn.

 
Á fundinum komu fram miklar áhyggjur af 20% atvinnuleysi á Suðurnesjum sem er grafalvarlegt mál og stór ógn við samfélag okkar. Ennþá segja fyrirtæki upp starfsfólki og engin umfangsmikil verkefni virðast vera framundan á næstunni sem geti breytt þessu. Ef ekkert verður að gert er sjálfgefið að atvinnulíf Suðurnesja mun kólna enn frekar með ófyrirsjáanlegum afleiðingum. SAR mun beita sér af alefli í því að breyta þessari stöðu því þolmörkum hefur verið náð.


Samtökin fagna stofnun Atvinnuþróunarfélags Suðurnesja og munu vinna að því að gera það að styrkri stoð í uppbyggingu atvinnulífs á svæðinu. SAR á fulltrúa í stjórn Atvinnuþróunarfélagsins.
Það er alveg ljóst að nú þarf að finna verkefni og koma þeim í gang með samstilltu átaki!
Ný stjórn SAR er þessi:

Aðalmenn:
• Reynir Þór Ragnarsson, Sandgerði.
• Andrés Kristinn Hjaltason, R.bæ.
• Guðmundur Pétursson, R.bæ.
• Hjörtur M. Guðbjartsson, R.bæ
• Þórður Guðmundsson, Vogum.


Varamenn:
• Einar Jón Pálsson, Garði.
• Þórarinn Sveinn Guðbergsson, R.bæ.
• Kjartan Páll Guðmundsson, R.bæ.
• Jón Elíasson, Vogum.

Guðmundur Pétursson var kjörin nýr formaður stjórnar. Gunnar Ellert Geirsson mun áfram sinna starfi framkvæmdastjóra.