Sameining við Bæjarveitur Vestmannaeyja í burðarliðnum?

Á fundi samninganefnda Bæjarveitna Vestmannaeyja og Hitaveitu Suðurnesja hf. í Vestmannaeyjum í vikunni var gengið frá samkomulagi um helstu efnisatriði að sameiningu fyrirtækjanna.
Stjórn Bæjarveitna fundaði um málið í fyrradag. Samningamenn vildu ekki greina frá efnisatriðum samkomulagsins þar sem stjórn Hitaveitu Suðurnesja á eftir að fjalla um málið.
Sameiningin er háð samþykki bæjarstjórnar Vestmannaeyja og stjórnar Hitaveitu Suðurnesja hf. og búast má við að niðurstaða fáist milli jóla og nýárs.

Uppfærð frétt af vef Frétta í Vestmannaeyjum