Ráðbók – nýtt fyrirtæki í Reykjanesbæ

Fyrirtækið Ráðbók ehf. var stofnað síðla sumars til þess að bjóða upp á alhliða bókhaldsþjónustu fyrir fyrirtæki, félagasamtök, húsfélög og einstaklinga. Félagið er í eigu hjónanna Halldóru Hreinsdóttur og Tyrfings Þorsteinssonar, en Halldóra hefur numið Viðskiptafræði við Háskóla Reykjavíkur.

Ásamt bókhaldsþjónustu mun Ráðbók bjóða upp á  gerð ársreikninga og skattframtala, launavinnslu og markaðssetningu svo eitthvað sé nefnt.

Halldóra og Tyrfingur hyggjast bjóða fyrirtækjum á Suðurnesjum upp á heimsókn á næstu vikum þeim að kostnaðarlausu til þess að kynna starfsemi Ráðbókar enn frekar. Hægt er að bóka viðtal í síma 421-2993.

Einnig er hægt að skoða heimasíðu Ráðbókar á slóðinni: www.radbok.is