Örnámskeið: Sölu og markaðsmál

Heklan, atvinnuþróunarfélag Suðurnesja, á örnámskeiðin í Eldey en 15. maí kl. 13:00 - 16:00 mun Árdís Ármannsdóttir markaðsstjóri Nýsköpunarmiðstöðvar Íslands fjalla um þau grundvallaratriði sem nauðsynlegt er að hafa í huga við markaðssetningu á nýrri vöru og þjónustu. Fjallað verður um markaðshlutun, markhópagreiningu, sérstöðu vöru og þjónustu, mikilvægi ímyndar, kynningarstarf, almannatengsl og virkjun tengslanetsins.

Námskeið framundan:

Netmarkaðssetning 22. maí 13 - 16:00
Kennari Selma Dögg Sigurjónsdóttir verkefnastjóri hjá Nýsköpunarmiðstöð Íslands. Fjallað verður um markaðssetningu á netinu, farið yfir mikilvæg atriði varðandi uppbyggingu og innihald á vefsíðum, notkun samfélagsmiðla og hvernig nýta má leitarvélar til að ná árangri.

Rekstrarform fyrirtækja 30. maí 13 - 16:00
Kennari Sigurður Steingrímsson verkefnastjóri hjá Nýsköpunarmiðstöð Íslands. Farið verður yfir mismumandi rekstrarform fyrirtækja og hvernig á að undirbúa og skrá rekstur. Talað verður um ábyrgð og stjórnun og fjallað um skattamál. Farið verður yfir reglur um tekjuskráningu og meðhöndlun virðisaukaskatts.