Nýr starfsmaður Landsbankans í Keflavík

Gunnlaugur Kárason hefur hafið störf sem sérfræðingur í fyrirtækjaviðskiptum hjá Landsbankanum í Keflavík. Gunnlaugur er menntaður íþróttakennari frá Kennaraháskóla Íslands og árið 2009 lauk hann meistaragráðu í alþjóðaviðskiptum frá Háskólanum á Bifröst. Lengst af hefur Gunnlaugur starfað sem kennari og deildarstjóri í Holtaskóla en hann hefur einnig starfað sem viðskiptastjóri fyrirtækja hjá SPRON. Ráðning Gunnlaugs mun styrkja fyrirtækjahluta útibús Landsbankans í Keflavík og er það í fullu samræmi við áform bankans um að veita fyrirtækjum á Suðurnesjum öfluga og góða þjónustu.

Gunnlaugur er kvæntur fjögurra barna faðir, búsettur í Keflavík.