N1 notar lífdíselolíu frá Íslensku eldsneyti

Fyrirtækið Íslenskt eldsneyti í Reykjanesbæ hefur samið við N1 um viðskipti með vistvæna lífdíselolíu. Frá þessu var greint í Morgunblaðinu í gær. Íslenskt eldsneyti var stofnað árið 2013 og framleiðir árlega um 1,2 milljón lítra af vistvænu eldsneyti. Á næsta ári er stefnt að því að framleiða 2,5 milljónir lítra.

Lífdíselolían verður notuð hjá N1 til íblöndunar í hefðbundna díselolíu. Hingað til hefur N1 nær eingöngu notast við innflutta lífdíselolíu. Framleiðsla Islensks eldsneytis mun þó ekki duga N1 sem mun áfram notast við innflutt íblöndunarefni að hluta.