Maris tekur þátt í Hönnunarmars 2015
Maris, hönnunarklasi Suðurnesja tekur þátt í Hönnunarmars 2015 í samstarfi við Markaðsstofu Reykjaness og Reykjanes jarðvang en þar verður kynntur skapandi kraftur af Reykjanesi.
Nú starfa þrettán hönnuðir í Maris sem setti síðast upp sýningu í Duushúsum sumarið 2014. Markmið klasans er að efla nýsköpun í hönnun á Suðurnesjum og efla hönnuði og hefur verkefnið verið styrkt af Vaxtarsamningi Suðurnesja.
Sýningin verður í Höfuðborgarstofu og mun fagráð velja inn þátttakendur en forgang hafa félagar í Maris.
Leitað er til hönnuða á Suðurnesjum sem hafa áhuga á að taka þátt í verkefninu og er þeim bent á að hafa samband við Söru Dögg Gylfadóttur á netfangið [email protected] eða í síma 699 2604.