Mangó breytir um svip

Tískuvöruverslunin Mangó hefur fengið nýtt útlit en hún var opnuð 15. febrúar sl. eftir viðamiklar breytingar. Rúna Reynisdóttir, eigandi Mangó, sagði að húsnæðið nýttist nú miklu betur og verslunin virkaði mun stærri. Mátunarklefarnir eru bakatil og settar voru þjófavarnir á allan fatnað um leið og búðinni var breytt.
„Ég fer eftir nokkra daga í innkaupaferð til að kaupa meira fyrir vorið en ég er enn að leggja línurnar. Fermingarfötin eru að koma inn en skórnir koma ekki fyrr en um mánaðarmótin“, segir Rúna.
Gunnar Páll Kristinsson arkitekt hannaði verslunina, Ragnar Halldórsson smíðaði allar innréttingar, Vélaverkstæði Steingrímssen, Ágúst Þór og Jón S. Jónsson unnu undirvinnuna og lýsingin var keypt í Rafiðn.