Jólafundur verslunareigenda í kvöld

Í kvöld klukkan 18.15 verður haldinn fundur verslunareigenda í Reykjanesbæ á Hótel Keflavík. Á fundinum verða rædd ýmis mál vegna jólaverslunar í Reykjanesbæ. Á dagskrá fundarins er m.a. kynning á framlagi Hótels Keflavíkur til jólaverslunar í Reykjanesbæ í tengslum við skafmiðahappdrætti Víkurfrétta, opnunartími verslana verður ákveðinn og ræddar verða hugmyndir að jólaskreytingum og skemmtiatriðum. Fundarstjóri verður Ragnar Örn Pétursson.