Bláa Lónið - 01apíl.
Bláa Lónið - 01apíl.

Viðskipti

Iceland opnar í Reykjanesbæ á föstudaginn
Gamalt merki 10-11 tekið niður, Iceland tekur við.
Þriðjudagur 21. nóvember 2017 kl. 17:27

Iceland opnar í Reykjanesbæ á föstudaginn

Ný verslun, Iceland, opnar við Hafnargötu 51 þar sem 10-11 var áður til húsa í Reykjanesbæ, nk. föstudag. Fyrsta Iceland verslunin á Íslandi var opnuð í Engihjalla fyrir fimm árum. Eftir opnunina í Reykjanesbæ verða verslanir Iceland orðnar sex talsins en fyrir eru verslanir Iceland staðsettar í Engihjalla, Vesturbergi, Arnarbakka, Glæsibæ og Staðarbergi.
 
Verslanir Iceland bjóða upp á fjölbreytt vöruúrval, íslenskt og erlent, en sérstaða verslananna eru þær fjölmörgu vörur sem fengnar eru frá Iceland Foods í Bretlandi og fást ekki í öðrum verslunum, segir í tilkynningu frá Iceland.
 
Sigurður Karlsson, framkvæmdastjóri matvörusviðs Basko, en félagið á og rekur meðal annars verslanir Iceland, segir að áður en árinu lýkur verði Iceland verslanirnar orðnar sjö talsins.
 
„Í byrjun desember ætlum við einnig að opna Iceland verslun á Kaupangi á Akureyri og fyrirhugaðar eru fleiri opnanir á næstu misserum. Hugmyndin er að útvíkka og stækka vörumerkið Iceland en nýju verslanirnar hafa fengið mjög góðar viðtökur enda Iceland þekkt fyrir gott vöruúrval, langan opnunartíma og hagstæð verð“.
Public deli
Public deli