Hver vinnur fyrsta Iphone 6S í Jólalukku VF?

Dregið verður síðdegis í dag, miðvikudag, í fyrsta skipti af fjórum í Jólalukku Víkurfrétta. Tveir stórir vinningar verða m.a. dregnir út úr miðum sem hefur verið skilað í Nettó eða Kaskó en það eru Iphone 6S og Icelandair farmiði auk fleiri smærri vinninga.

Jólalukkan er komin á fleygiferð og er í boði hjá tuttugu aðilum á Suðurnesjum. Sex þúsund vinningar rúlla út að þessu sinni en þá eru líka fjórir mjög svo veglegir útdrættir þar sem fjórir heppnir viðskiptavinir Nettó eða Kaskó munu fá Iphone 6S síma og sömuleiðis Icelandair gjafakort.

Nöfn vinningshafa verða birt í kvöld á vf.is og síðan í prentútgáfu Víkurfrétta á fimmtudag.