Harpa Sjöfn veitir tveimur aðilum á Suðurnesjum málningarstyrk

Nú í upphafi sumars úthlutar Harpa Sjöfn 22 aðilum málningarstyrk til verðugra viðhaldsverkefna, en þetta er fimmta árið í röð sem fyrirtækið úthlutar slíkum styrkjum. Meðal aðila sem hljóta málningarsyrk í ár eru Þroskahjálp á Suðurnesjum vegna Lyngsels, sumardvalarheimilis fyrir fötluð börn og Safnaðarheimilið í Innri-Njarðvík.Á þessu tímabili hefur Harpa Sjöfn úthlutað 82 aðilum samtals 14.000 lítrum af málningu til mjög fjölbreyttra verkefna um allt land að verðmæti 6 milljónir króna. Fjölmörg sögufræg hús og mannvirki hafa á undanförnum árum hlotið nýtt og fallegt útlit með þessum hætti.
Einnig hafa góðgerðarfélög, þjónustuklúbbar, íþróttafélög og aðrir notið málningarstyrkja Hörpu Sjafnar.

Meðal þeirra sem hljóta málningarstyrk Hörpu Sjafnar fyrir árið 2002 eru Kjarvalsstofa á Borgarfirði Eystri, gamla síldarverksmiðjan í Djúpuvík, Norska húsið í Stykkishólmi, Blindrafélagið í Reykjavík, Sauðlauksdalskirkja (1863) í Vesturbyggð, Syðstibær - hús Hákarla-Jörundar í Hrísey, Iðnaðarsafnið á Akureyri, gamla þinghúsið í Maríugerði í Ljósavatnshreppi í Köldukinn og Þroskahjálp á Suðurnesjum vegna Lyngsels. Forráðamenn Hörpu Sjafnar vilja með þessum hætti hvetja landsmenn til að mála og fegra umhverfi sitt. Harpa Sjöfn leggur metnað í að styðja einstaklinga, félög og samtök sem hafa forystu um góð málefni af þessu tagi.
Viðbrögð hafa ekki látið á sér standa og hafa forráðamenn ýmissa menningarfélaga, góðgerðarfélaga og félagasamtaka um varðveislu sögulegra mannvirkja kunnað að meta framlag fyrirtækisins til menningarsögulegra verkefna undanfarin 5 ár.

Í ár, eins og undanfarin ár, barst mikill fjöldi umsókna víðs vegar af landinu og dómnefnd átti enn einu sinni erfitt með að velja úr verðugum verkefnum. Til að koma til móts við þá umsækjendur sem ekki hlutu styrk að þessu sinni, hefur Harpa Sjöfn ákveðið að veita þeim og öðrum þeim aðilum sem kaupa málningu á vegum góðgerðarfélaga, menningarfélaga, íþrótta- og ungmennafélaga eða vegna sambærilegrar starfsemi, hagstæð kjör. Umræddir aðilar geta keypt málningu á góðu verði í verslunum Hörpu Sjafnar sem eru í Keflavík, Kópavogi, á Akureyri og á þremur stöðum í Reykjavík.

Eftirtalin verkefni hlutu málningarstyrk HörpuSjafnar árið 2002:

Kjarvalsstofa, Borgarfirði Eystri
Siglingarfélagið Ýmir, Kópavogi
Norska húsið í Stykkishólmi
Strympa - gamla þinghúsið í Maríugerði í Ljósavatnshreppi í Köldukinn, S-Þing.
Geitaskarð, Langadal, Húnavatnssýslu
Gamla kaupfélagshúsið, Blönduósi
Vindheimamelar, Skagafirði, vegna Landsmóts hestamanna 2002
Neskirkja í Aðaldal, S-Þing.
Leikskólinn Sælukot í Skerjafirði, Reykjavík. Sjálfstætt starfandi leikskóli
Gamla síldarverksmiðjan í Djúpuvík, Árneshreppi
Blindrafélagið í Reykjavík vegna íbúða fyrir blinda og sjónskerta Hamrahlíð 17
Byggðasafnið Austur-Skaftafellssýslu vegna vöruhússins að Fagurhólsmýri í Öræfum
Þroskahjálp á Suðurnesjum vegna Lyngsels, sumardvalarheimilis fyrir fötluð börn
Safnaðarheimilið í Innri-Njarðvík
Sauðlauksdalskirkja í Vesturbyggð. Reist árið 1863
Félag um þjóðlagasetur sr. Bjarna Þorsteinssonar vegna Maddömuhússins á Siglufirði
Félagsheimilið Brúarás í Borgarfirði
Syðstibær í Hrísey, hús Hákarla-Jörundar, byggt 1885 sem er elsta húsið í Hrísey
Biblíuskólinn á Eyjólfsstöðum á Völlum, Austur-Héraði
ReykjavíkurAkademían, samtök sjálfstætt starfandi fræðimanna, Reykjavík
Iðnaðarsafnið á Akureyri vegna safnhúss að Krókeyri á Akureyri
Sumarlína ehf., handverkshús og sumarkaffihús, Fáskrúðsfirði. Byggt árið 1929