Hagnaður FMS 5,4 milljónir króna
Aðalfundur Fiskmarkaðs Suðurnesja hf. haldinn 24. mars 2004 hefur samþykkt ársreikning félagsins fyrir árið 2003. Félagið var rekið með 5,4 mkr. hagnaði á árinu 2003, samanborið við 20,7 mkr. hagnað árið áður. Rekstrartekjur voru 330,4 mkr. og minnkuðu um 4,1% á milli ára. Rekstrargjöld án afskrifta voru 295 mkr. og minnkuðu um 1,7 % á milli ára. Hagnaður fyrir afskriftir var 34,7 mkr. samanborið við 43,8 mkr. árið áður. Afskriftir voru 19,3 mkr. og höfðu minnkað um 7 mkr. á milli ára. Aðalfundurinn samþykkti tillögu stjórnar um greiðslu 15% arðs.
Stjórn félagsins skipa: Ellert Eiríksson stjórnarformaður, Þorsteinn Erlingsson varaformaður, Einar Þ Magnússon, Bergþór Baldvinsson og Jón Steinn Elíasson. Framkvæmdastjóri er Ragnar H. Kristjánsson og skrifstofustjóri Þórður M Kjartansson.
Fiskmarkaður Suðurnesja hf. rekur starfsstöðvar á sjö stöðum á landinu, Grindavík, Sandgerði, Njarðvík, Hafnarfirði, Ísafirði, Bolungarvík og Höfn Hornafirði.
Á síðasta ári seldi Fiskmarkaður Suðurnesja hf á þessum stöðum samtals 23.984 tonn að verðmæti 2,8 milljarðar. Meðalverð var 118,28 kr. á kg.
Hluthafar eru 98 í Fiskmarkaðs Suðurnesja hf og stærstir eru :
Íslandsmarkaður hf. 15,24%
Bergþór Baldvinsson 14,21%
Einar Þ Magnússon 10,23%
Sparisjóðurinn í Keflavík 9,27%
Lífeyrissjóður Suðurnesja 9,03%
Toppfiskur ehf. 5,00%
Nesfiskur hf. 3,94%
