Gróusögur reyna að loka Glóðinni!

Sú kjaftasaga hefur gengið um bæinn að veitingahúsið Glóðin sé að hætta. „Nei, nei við erum alls ekki að loka. En við höfum heyrt þessa kjaftasögu frá fjölda fólks sem hefur verið að spyrja okkur að þessu. Það hefur meira að segja verið hringt þónokkuð í okkur og við spurð að þessu.Við erum alls ekki að loka og munum áfram bjóða viðskiptavinum okkar upp á léttan matseðil, ódýra rétti og góða þjónustu,“ sagði Þóranna Gunnlaugsdóttir, eigandi Glóðarinnar, í samtali við Víkurfréttir.