Góð jólaverslun í Reykjanesbæ - myndir
Tók vel við sér á lokasprettinum eftir rólega byrjun.
Jólaverslun var víða góð í Reykjanesbæ. Hún byrjaði þó frekar seint en skilaði sér mjög vel síðustu vikuna fyrir jól.
Hljóðið í flestum verslunareigendum sem VF ræddi við var gott, bæði hjá þeim sem reka verslanir í miðbæ Keflavíkur eða hjá verslunarkeðjunni Samkaupum.
Stemmningin var góð á Þorláksmessu við Hafnargötuna í Keflavík en jólahljómsveit Tónlistarskóla Reykjanesbæjar lék jólalög og jólasveinar gáfu nammipoka í boði „Jóladaga á Suðurnesjum“ og Betri bæjar. Þá var Skyrgámur á ferðinni og hann vakti mikla athygli í miðbænum á Þorláksmesu enda í miklu uppáhaldi hjá mörgum.
Ys og þys í Skóbúðinni.
Viðskiptavinir inni í Ormsson.
Fjör í Krummaskuði.
Þorláksmessustemmning í Kóda.
Það var líf og fjör hjá Fjólu gullsmið.
Jólahljómsveit Tónlistarskóla Reykjanesbæjar og „Jóladaga á Suðurnesjum“.
Stelpur og strákar í jólastuði á Þorláksmessu.
Jólasveinarnir gáfu nammipoka og settu skemmtilegan svip á fjörið á Hafnargötunni.
