Glæsilegur og tæknilega fullkominn borgarjeppi hjá Bílavík

Laugardaginn 22. janúar verður nýi Honda CR-V borgarjeppinn frumsýndur í Bílavík. Þá gefst gestum kostur á að skoða þennan glæsilega, rúmgóða og tæknilega fullkomna jeppa í nýrri og endurbættri útfærslu. Ný hönnun að framan gefur bílnum enn fágaðra útlit og hvert smáatriði að innan og utan er vandlega úthugsað. Flatt gólfið, færanleiki sætanna og hurðaopnuninn gera plássnýtinguna í CR-V óviðjafnanlega. Öll stjórntæki eru þægileg í notkun og innan seilingar í fallega hannaðri og vandaðri innréttingu. Hjartað í CR-V er þó aflmikil og sparneytin vélin, háþróað fjórhjóladrifið og fullkomnar skiptingar sem vinna saman eins og hugur manns.        
Í þessum nýja Honda CR-V er meiri staðalbúnaður til að auka þægindi, til dæmis fullkomin aksturstölva, tölvustýrð loftkæling og geislaspilari.
Hjá Honda er manneskjan sett í fyrirrúm og allar öryggisbúnaður í hávegum hafður. Honda CR-V er með ABS hemlalæsivörn, EBD hemlaátaksdreifingu og BA hjálparhemlun til að minnka hemlunarvegalengd og hjálpa ökumanni að hafa stjórn á bílnum við nauðhemlun. Í bilnum eru tveir tveggja þrepa SRS loftpúðar í mælaborði og tveir hliðarloftpúðar til að vernda ökumann og farþega. Spól- og skrikvörn og loftpúðagardínur í þaki eru val um staðalbúnað.
Rýmið inni í bílnum er mjög mikið og er nýtt til fullnustu. Aftursætin eru á sleðum og hægt að stilla sætisbökin þannig að allir farþegar geta komið sér fyrir eins og þeim finnst best. Vel hugsuð opnun hurða og hæð sæta gerir það eins þægilegt og hugsast getur að stíga inn eða út úr CR-V. Allt þetta ásamt mjúkri fjöðrun og góðri hljóðeinangrun gera hverja ferð að skemmtiferð.

Honda CR-V kemur í nokkrum útfærslum, allt eftir þörfum hvers og eins.
LS útgáfan er 5 dyra með 2.0l 150 hö vél og stálfelgum.
ES útgáfan er 5 dyra með 2.0l 150 hö vél en er einnig fáanlegur með 2.2l – CDTi dísel vél. Álfelgur er staðalbúnaður í ES útgáfunni sem og skipt leðuráklæði á sætum.Excecutive kemur með 2.0l vél og beinni innspýtingu með leðuráklæðum og sóllúgu sem og álfelgum.
Allar útgáfur eru fáanlegur bæði sjálf- og beinskiptar.