Gistinóttum fjölgar mest á Suðurnesjum

Samkvæmt Hagstofunni má rekja fjölgun gistinátta á hótelum í maí bæði til Íslendinga og útlendinga. Í öllum landshlutum fjölgaði gistinóttum nema á Austurlandi þar sem fjöldinn stóð í stað. Flestar gistinætur mældust á höfuðborgarsvæðinu um 83 þúsund talsins.
Þá kemur einnig fram í frétt Hagstofunnar að gistirými á hótelum í maímánuði hafi aukist milli ára. Fjöldi herbergja fór úr 3.790 í 4.390. Hótel sem opin voru í síðastliðnum maímánuði voru 78 en á sama tíma í fyrra voru þau 75.