Geirmundur Kristinsson formaður bankaráðs Icebank

Í framhaldi af breytingum á eignarhaldi Icebank nýverið var kjörið nýtt bankaráð á hluthafafundi þann 17. desember. Tveir stærstu sparisjóðir landsins, BYR og SPRON, hafa selt af eignarhlut sínum í bankanum til annarra sparisjóða, helstu stjórnenda bankans og utanaðkomandi fjárfesta. Eftir viðskiptin eiga sparisjóðirnir áfram meirihluta, eða 57,3% hlutafjár. Með afnámi á öllum takmörkunum á eignarhaldi í samþykktum bankans og aðkomu nýrra hluthafa er stigið mikilvægt skref í framþróun hans og öflugri sókn innan lands og utan. Úr stjórninni ganga Ragnar Zophonías Guðjónsson og Magnús Ægir Magnússon. Guðmundur Hauksson færist úr aðalstjórn í varastjórn. Nýir menn í stjórn eru Gísli Kjartansson, Grímur Sæmundsen og Steinþór Jónsson.

Nýtt bankaráð Icebank er þannig skipað:
Aðalmenn
Friðrik Friðriksson, sparisjóðsstjóri, Sparisjóði Svarfdæla
Geirmundur Kristinsson, sparisjóðsstjóri, Sparisjóðnum í Keflavík
Gísli Kjartansson, sparisjóðsstjóri, Sparisjóði Mýrasýslu
Grímur Sæmundsen, forstjóri, Bláa lóninu
Steinþór Jónsson, hótelstjóri, Hótel Keflavík

Varamenn
Ásgeir Sólbergsson, sparisjóðsstjóri, Sparisjóði Bolungarvíkur
Guðmundur Hauksson, forstjóri, SPRON
Ólafur Elísson, sparisjóðsstjóri, Sparisjóði Vestmannaeyja
Pétur Hafsteinn Pálsson, framkvæmdastjóri, Vísi
Sveinn Hannesson, framkvæmdastjóri, Gámaþjónustunni

Á fyrsta fundi nýs bankaráðs var Geirmundur Kristinsson kjörinn formaður og Grímur Sæmund¬sen varaformaður.