Fyrirtækjasýning í Garði opnuð í dag

Fyrirtækjasýning verður opnuð í íþróttamiðstöðinni í Garði síðdegis í dag. Sýningin opnar kl. 18:00 með formlegri dagskrá og verður opin til kl. 20:00. Á morgun og sunnudag verður sýningin  opin frá kl. 11-17 báða dagana.

Sveitarfélagið Garður stendur fyrir sýningunni en á henni munu fyrirtæki, félagasamtök, stofnanir og einstaklingar í Garði kynna starfsemi sína og framleiðslu.

Samtals taka 49 aðilar þátt í sýningunni. Kvenfélagið Gefn verður með kaffisölu og þá verður barnahorn á staðnum auk þess sem Steinbogi kvikmyndagerð sýnir kvikmyndir.

Meðfylgjandi myndir voru teknar í gærkvöldi þegar unnið var að undirbúningi sýningarinnar. VF-myndir: Hilmar Bragi



Séð yfir sýningarsvæðið í íþróttamiðstöðinni í Garði.



Ásmundur Friðriksson alþingismaður í Garði mun sýna myndlist og ætlar að mála mynd af lunda um helgina á sýningarsvæði sínu.



Þessi skemmtilegu líkön af gömlum byggingum í Garði verða m.a. á sýningunni.