FYRIRTÆKI Á NETINU

Eignamiðlun Suðurnesja hefur fyrst fasteignasala á Suðurnesjum komið upp fasteignavef á alnetinu. Sigurður Ragnarsson, eigandi E.S., sagði hugmyndina hafa fæðst fyrir rúmlega ári. Vefurinn hefði verið settur upp á netinu í júlí-ágúst á síðasta ári en ekki verið haldið hátt á lofti á meðan verið var að þróa hann, berjast við ýmsa hnökra og safna myndum. Sigurður sagði að í dag væru á vefnum myndir af flestum þeim eignum sem skráðar væru hjá fyrirtækinu og hvatti viðskiptavini til að nýta sér þessa nýju þjónustu en vægi hennar ætti eftir að stóraukast í framtíðinni. Veffang Eignamiðlunar Suðurnesja er: www.es.is