Frjálsi kaupir í SpKef

Frjálsi fjárfestingarbankinn, sem er dótturfélag SPRON, hefur fest kaup  á fimm prósenta hlut í Sparisjóðnum í Keflavík. Viðskiptin fóru fram á  genginu 2,2 þannig að kaupverðið hefur verið um 100 milljónir króna.  Markaðurinn, viðskiptablað Fréttablaðsins, greinir frá þessu í dag.
Guðmundur Hauksson, stjórnarformaður Frjálsa fjárfestingarbankans,  segir að bankinn líti á kaupin sem góða langtímafjárfestingu. Stór en  fá viðskipti hafa verið með bréf í Sparisjóðnum í Keflavík að  undanförnu en yfir tíu prósent stofnfjár hafa skipt um hendur. Meðal  annarra kaupenda eru fjárfestar á Suðurnesjunum. Yfir 500 aðilar eiga stofnfé í sparisjóðnum.