Framkvæmdastjóri Flugþjónustunnar á Keflavíkurflugvelli

Stjórn Flugþjónustunnar Keflavíkurflugvelli hefur ráðið Gunnar Olsen sem
framkvæmdastjóra félagsins frá 1. janúar 2001. Flugþjónustan á
Keflavíkurflugvelli er nýtt dótturfélag Flugleiða sem tekur til starfa nú
um áramótin. Rekstur félagsins nær til farþega- og flugvélaafgreiðslu á
vellinum, fraktafgreiðslu, veitingarekstrar í flugstöð og framleiðslu á
flugvélamat. Um 460 heilsársstörf eru hjá félaginu, en á sjöunda hundrað
starfsmenn þegar mest er og velta félagsins verður væntanlega liðlega 2
milljarðar króna á fyrsta starfsárinu.Gunnar Olsen hóf störf hjá Loftleiðum 1972 sem sumarafleyingamaður á
Keflavíkurflugvelli á námsárum sínum. Gunnar hefur síðan starfað sem
flugafgreiðslumaður, flokksstjóri í bókhaldsdeild, deildarstjóri í
söludeild fraktdeildar, deildarstjóri þjónustudeildar Flugleiða. Árið 1986
fór Gunnar til starfa í Bandaríkjunum sem svæðisstöðvarstjóri Flugleiða í
Bandaríkjunum, með aðsetur í New York en tók síðan við stöðu markaðs- og
sölustjóra Flugleiða fyrir miðríki Bandaríkjanna og Kanada með aðsetur í
Chicago. Gunnar flutti aftur til Íslands 1989 og tók þá við stöðu
stöðvarstjóra Flugleiða á Keflavíkurflugvelli og síðar stöðu forstöðumanns
stöðvarekstur Flugleiða með aðsetur á Keflavíkurflugvelli. Síðastliðin tvö
ár hefur Gunnar gegnt stöðu forstöðumanns afkomueiningar Flugleiða sem ber
ábyrgð á allri farþega- og flugþjónustu félagsins á Keflavíkurflugvelli.
Gunnar er giftur Sólveigu Þorsteinsdóttur og eiga þau fjögur börn.