Fjölmenni á sölusýningu á Víkurbraut

Húsagerðin ehf. og fasteignasalan Ásberg í Reykjanesbæ stóðu fyrir sölusýningu á vönduðum íbúðum í nýja fjölbýlishúsinu að Víkurbraut 15.

Um er að ræða 9 hæða hús með 18 íbúðum. Neðst er bílageymsla og þar fyrir ofan er geymsluhæð en svo eru þrjár íbúðir á hverri hæð að undanskildum 6. og 7. hæð þar sem eru tvær þakíbúðir.

Greinilegt er að íbúðirnar höfða til almennings því mikið fjölmenni sótti sýninguna og þótti nokkuð til koma.