Fjölgun ferðamanna í janúar

Erlendum ferðamönnum sem komu til landsins í janúar síðastliðnum fjölgaði um tæp 30% miðað við janúar 2003. Þetta eru afar ánægjulegar tölur og áframhald þeirrar þróunar sem var í fjölgun erlendra ferðamanna hingað til lands í fyrra.
Líkt og fyrir ári síðan voru Bretar fjölmennasti hópurinn og fjölgaði þeim um 19% á milli ára. Mest fjölgun í farþegum talið varð hins vegar frá Bandaríkjunum, eða 3059 manns. Hlutfallslega er mest aukning frá Frakklandi, Sviss, japan og Danmörku. Er raunar góð fjölgun frá öllum löndum Evrópu sem mæld eru sérstaklega í talningunum.

Styður nokkra bjartsýni um áframhaldandi fjölgun.
Ársæll Harðarson, forstöðumaður markaðssviðs Ferðamálaráðs, segir þessar tölu styðja nokkra bjartsýni um áframhaldandi fjölgun ferðamanna á nýbyrjuðu ári. "Enn eykst ferðamennska að vetri til sem er í samræmi við áherslur í markaðssókn. Jafnframt vitum við að Icelandair mun auka sætaframboð sitt frá Bandaríkjunum með vorinu og fjölga áfangastöðum í Evrópu í sumar, og sama er að segja um Iceland Express sem fjölga mun flugferðum til Kaupmannahafar og London," segir Ársæll.

Fjöldi ferðamanna í janúar*
Þjóðerni	2003	2004	Mismunur	%
Bandaríkin	2.451	3.059	608	24,81%
Bretland	2.927	3.483	556	19,00%
Danmörk	763	1.304	541	70,90%
Finnland	194	320	126	64,95%
Frakkland	412	921	509	123,54%
Holland	294	411	117	39,80%
Ítalía	222	266	44	19,82%
Japan	385	728	343	89,09%
Kanada	125	157	32	25,60%
Noregur	1.075	1.318	243	22,60%
Spánn	125	194	69	55,20%
Sviss	104	225	121	116,35%
Svíþjóð	973	1.266	293	30,11%
Þýskaland	784	1.101	317	40,43%
Önnur þjóðerni	1.863	1.669	-194	-10,41%
Samtals	12.697	16.422	3.725	29,34%
Ísland	17.859	24.301	6.442	36,07%
Heimild: Ferðamálaráð Íslands, brottfarir erlendra farþega í Leifsstöð
*Hér eru ekki taldir með farþegar sem fara um aðra millilandaflugvelli en Keflavík