Fiskisaga og Gallerí Kjöt opna á Fitjum

Fiskisaga og Gallerí Kjöt opnaði í dag nýja verslun í verslunarkjarnanum á Fitjum og er þetta ellefta verslun fyrritækisins í röð sælkerabúða sem reknar eru á stór-Reykjavíkursvæðinu og á Akranesi.

Fiskisaga og Gallerí Kjöt bjóða upp á mikið úrval af girnilegum og gómsætum fisk- og kjötréttum, framandi jafnt sem hefðbundum. Einnig selja búðirnar ferskan fisk eftir vigt og hafa á boðstólum meðlætið með fiskinum. Úrvalið í kjötvörunni er einnig mikið en þar má m.a. finna villibráð og veislusteikur, gómsætt paté, grafna gæs og kryddlegið lamb, hangikjöt og himneskar nautasteikur.

Í verslunum Fiskisögu og Gallerí Kjöts er rík áhersla lögö á vörugæði og ferskleika og persónulega þjónustu.  Verslunin er opin frá kl. 10 – 18:30 virka daga og 11 – 17 á laugardögum.


Mynd: Sandra Gísladóttir, verslunarstjóri og Jóhanni Waage, aðstoðarverslunarstjóri við glæsilegt kjöt- og fiskborð verslunarinnar. VF-mynd: elg.