Dapurt ár í fiskimjölsiðnaði
Rúmum 30 þúsund tonnum munaði milli ára í Helguvík
Fiskimjölsverksmiðjurnar þrjár sem Síldarvinnslan á og rekur (Neskaupstaður, Seyðisfjörður, Helguvík) tóku á móti einungis 131.460 tonnum af hráefni á árinu, en frá þessu er greint á heimasíðu fyrirtækisins. Verksmiðjurnar tóku á móti 259.394 tonnum árið 2015, 161.168 tonnum árið 2014 og 206.074 tonnum árið 2013.
Í Helguvík var tekið á móti 11.916 tonnum í ár. Til samanburðar má geta þess að á árinu 2015 tók verksmiðjan í Helguvík á móti 43.656 tonnum. Léleg loðnuvertíð er meginástæðan fyrir minna hráefni árið 2016 en til dæmis árin 2015 og 2013.
