Bernhard á Reykjanesbæjarnótum!

Bernhard í Reykjanesbæ fékk afhenta viðurkenningu og verðlaun frá Reykjanesbæ vegna markaðsverkefnisins Auglýsingalukkupottur Reykjanesbæjar 2006.

Markmiðið með auglýsingalukkupottinum er að verðlauna fyrirtæki sem nota nafn bæjarins í tengslum við hvers konar auglýsingar og stuðla þannig að markaðssetningu hans um land allt.

Bernhard hefur ávallt notað nafn Reykjanesbæjar í sinni markaðssetningu og nýtti hann verðlaunaféð sem var 100 þúsund krónur til þess að setja upp skilti við Reykjanesbrautina þar sem þess er getið sérstaklega að fyrirtækið sé í Reykjanesbæ.

Auglýst var eftir umsóknum í auglýsingalukkupottinn og dregið úr innsendum auglýsingum fyrirtækja og stofnana og er gert ráð fyrir að verkefnið verði endurtekið að ári.