Árið einkenndist af spennu og útlánaeftirspurn
Geirmundur Kristinsson, Sparisjóðsstjóri í Keflavík er sáttur við rekstrarárangurinn á síðasta ári en hagnaður ársins nam 170 milljónum króna sem er um 38% aukning á milli ára. „Árið var að ýmsu leyti nokkuð gott fyrir Sparisjóðinn í Keflavík. Hreinar vaxtatekjur aukast um rúmar 100 milljónir króna og hreinar rekstrartekjur um 103 milljónir króna. Að vísu er verðbólgan að hjálpa okkur eitthvað en engu að síður ágætis árangur. Hagnaður fyrir skatta og afskriftir jókst úr 265 milljónum króna í 290 milljónir á árinu eða um 25 milljónir króna. Hagnaður eftir framlag til afskriftarreiknings og skatta var 170,2 milljónir króna eða 46,7 milljónum hærra en árið áður“, sagði Geirmundur.
Hver er skýringin á minni hagnaði fyrir skatta, 27%?
„Það varð breyting á lögum um tekju- og eignaskatt lögaðila þ.e.a.s.tekjuskatturinn var lækkaður úr 30% niður í 18%. Við höfum reiknað þessa skuldbindingu á hlutdeildarfélögin en við lækkunina færist áður gjaldfærð skuldbinding til tekna. Af þeim sökum færist afskriftaframlagið fyrst og myndar þar af leiðandi minni hagnað fyrir skatta en áður sem jafnast síðan upp með tekjufærslu tekjuskattsskuldbindingar“.
Hvernig var síðasta ár í samanburði við árið á undan?
„Árið 2001 einkenndist eins og árið 2000 af mikilli spennu og útlánaeftirspurn. Sparisjóðurinn jók útlán sín á þessum tveimur árum um 5 milljarða króna eða um 47%. Þetta kemur síðan niður á okkur í afskriftum útlána þar sem almennt afskriftaframlag hækkar í sama hlutfalli og útlánaaukningin, auk þess var afskriftasjóðurinn stækkaður vegna efnahagslægðarinnar sem gert hefur vart við sig undanfarna mánuði. Þrátt fyrir þessa hækkun eða nánar tiltekið rúmar 73 millj. á milli áranna 2000 og 2001 var hagnaðurinn eins og að framan greinir 46,7 millj.kr. hærri en árið á undan“.
Geirmundur segir rekstaráætlun fyrir árið 2002 gera ráð fyrir sambærilegri afkomu og var árið 2001.
Í lok ársins var stofnfé 600 millj. kr. að nafnvirði sem dreifðist á 551 aðila.
Aðspurður um lykilinn að svo bættri afkomu sl. 3-4 ár segir Geirmundur ekkert einhlítt svar við, „Það er margt sem hjálpast að, t.d. ytri aðstæður, kostnaðaraðhald, markviss tekjuöflun, góð afkoma dótturfélaga og frábært starfsfólk“, sagði Geirmundur að lokum.
Hver er skýringin á minni hagnaði fyrir skatta, 27%?
„Það varð breyting á lögum um tekju- og eignaskatt lögaðila þ.e.a.s.tekjuskatturinn var lækkaður úr 30% niður í 18%. Við höfum reiknað þessa skuldbindingu á hlutdeildarfélögin en við lækkunina færist áður gjaldfærð skuldbinding til tekna. Af þeim sökum færist afskriftaframlagið fyrst og myndar þar af leiðandi minni hagnað fyrir skatta en áður sem jafnast síðan upp með tekjufærslu tekjuskattsskuldbindingar“.
Hvernig var síðasta ár í samanburði við árið á undan?
„Árið 2001 einkenndist eins og árið 2000 af mikilli spennu og útlánaeftirspurn. Sparisjóðurinn jók útlán sín á þessum tveimur árum um 5 milljarða króna eða um 47%. Þetta kemur síðan niður á okkur í afskriftum útlána þar sem almennt afskriftaframlag hækkar í sama hlutfalli og útlánaaukningin, auk þess var afskriftasjóðurinn stækkaður vegna efnahagslægðarinnar sem gert hefur vart við sig undanfarna mánuði. Þrátt fyrir þessa hækkun eða nánar tiltekið rúmar 73 millj. á milli áranna 2000 og 2001 var hagnaðurinn eins og að framan greinir 46,7 millj.kr. hærri en árið á undan“.
Geirmundur segir rekstaráætlun fyrir árið 2002 gera ráð fyrir sambærilegri afkomu og var árið 2001.
Í lok ársins var stofnfé 600 millj. kr. að nafnvirði sem dreifðist á 551 aðila.
Aðspurður um lykilinn að svo bættri afkomu sl. 3-4 ár segir Geirmundur ekkert einhlítt svar við, „Það er margt sem hjálpast að, t.d. ytri aðstæður, kostnaðaraðhald, markviss tekjuöflun, góð afkoma dótturfélaga og frábært starfsfólk“, sagði Geirmundur að lokum.
