Afsláttarkort í gokart

Fastagestir Gokartbrautarinnar við Reykjanesbæ geta nú séð fram á betri tíð en Reis-bílar ehf. sem reka brautina hafa ákveðið að gefa út afsláttarkort til handa þeim sem sem nota brautina mikið. Afsláttarkortin eru fjögur talsins og taka mið af því hversu mikið viðkomandi ætlar að stunda gokartíþróttina.
Fyrir þá sem eyða miklum tíma á akstur er Platínukortið hagstæðast en það veitir handhafa rétt til að aka í allt að 60 mínútur á dag til áramóta 2002 fyrir 100.000 kr. en það jafngildir 8 heimsóknum. Þá er boðið upp á Gullkort en þar fær handhafi 30 mínútur á dag og jafngildir það 10 heimsóknum á brautina og kostar kortið kr. 60.000. Sala á öllum kortunum er nú þegar hafin en sé kortið keypt á þessu ári og 10 ferðir farnar fyrir áramót þá þýðir það að viðkomandi ekur frítt allt næsta ár.
Fyrir þá sem ekki hafa jafnmikinn tíma bjóða Reis-bílar upp á Silfurkort sem veitir handhafa rétt til þess að keyra 15 mínútur á hverjum degi á kr. 40.000 og jafngildir það 13 heimsóknum á venjulegu verði. Að lokum er boðið upp á kort fyrir áhugamenn um íþróttina en það veitir handahafa og fjölskyldu hans 25% afslátt á keyptum akstri en það kort komstar kr. 20.000. Þeir sem kaupa Platínu- eða gullkort gefst auk þess kostur á 2 tíma námskeiði og akstri keppniskarta þar sem námskeiðsgögn og akstur er innifalinn. Að sögn Stefáns Guðmundssonar, eiganda Reis-bíla hefur mikil eftirspurn verið eftir kortum af þessu tagi og er með útgáfu kortanna verið að koma til móts við óska viðskiptavina. Þeir sem hafa áhuga á að eignast eitthvað af ofangreindum kortum er bent á að hafa hraðar hendur þar sem kortin eru einungis til í takmörkuðu magni. Nánari upplýsingar um kortin er að finna á heimasíðu Reis-bíla www.gokart.is eða hjá Stefáni í síma 893-1992.