Suðurnesjamagasín: Sjáðu þátt vikunnar á 1 mínútu

Í Suðurnesjamagasíni vikunnar er komið víða við á í menningu, mannlífi og fréttatengdum málum.

Við förum út á Reykjanes þar sem nýtt ferðaþjónustufyrirtæki er að fara í mikla uppbyggingu, fylgjumst með kappakstri vélmenna sem nemendur Háaleitisskóla í Reykjanesbæ smíðuðu og þá kynnum við okkur mál málanna í Reykjanesbæ þessa dagana sem eru loftgæði og mengunarmælingar.

Við kíkjum í Hljómahöllina og á Rokksafn Íslands og ræðum við Tómas Young um vaxandi áhuga á Hljómahöllinni sem áfangastað hjá bæði Íslendingum og útlendingum.

Þá kynnum við okkur jólaundirbúning í Reykjanesbæ þar sem norskt jólatré og aldargamall jóladansleikur koma við sögu.

Suðurnesjamagasín er á dagskrá Hringbrautar á fimmtudagskvöldum kl. 21:30 og sýnt á vf.is og hjá Kapalvæðingu Reykjanesbæjar.

Nemendur í Háaleitisskóla í Reykjanesbæ eru í skemmtilegu innslagi í þættinum.