30.03.2013 08:25

Mögnuð norðurljós í Suðurnesjamagasíni

Norðurljósin njóta aukinnar hylli og frá áramótum hafa yfir 20.000 ferðamenn farið í skipulagðar norðurljósaferðir hér á landi.

Reykjanesið er vinsæll áfangastaður í þessum ferðum. En það eru ekki bara erlendir ferðamenn að eltast við norðurljós.

Óli Haukur Mýrdal hefur náð góðum tökum á þeirri tækni að fanga norðurljós. Hann ver löngum stundum í þetta áhugamál sitt að veiða norðurljós, eins og hann kallar það.

Það þarf líka mikla þolinmæði þegar mynda á norðurljós eins og kemur fram í meðfylgjandi innslagi úr Suðurnesjamagasíni Víkurfrétta.