Fimmtudagur 4. apríl 2019 kl. 20:30

Konur í húsasmíðanámi, Kardemommubærinn og atvinnulífið í Suðurnesjamagasíni

Suðurnesjamagasín Víkurfrétta er á dagskrá Hringbrautar og vf.is í kvöld, fimmtudagskvöld. Þrátt fyrir tímabundinn skell í atvinnuástandinu á Suðurnesjum þá heldur lífið áfram og í hverri viku mætum við með nýjan þátt af Suðurnesjamagasíni þar sem sýnt er frá menningu, mannlífi og atvinnulífinu á Suðurnesjum. 
 
Í þessum þætti tökum við hús á húsasmíðadeildinni í Fjölbrautaskóla Suðurnesja þar sem óvenju margar konur eru í námi í húsasmíði. 
 
Við förum einnig í Kardemommubæinn og hittum bæjarfógeta og einnig ræningja. 
 
 
Þá tökum við púlsinn á atvinnulífinu og viðbrögðum við þeim áhrifum sem fall WOW air getur haft á Suðurnesjum. 
 
Svo endum við þáttinn á líflegri syrpu frá Hljómlist án landamæra.