Eldingaveður á Suðurnesjum

Mikið eldingaveður gekk yfir Suðurnesin nú síðdegis með háværum drunum og miklum ljósagangi. Að sögn veðurfræðings hjá Veðurstofu Íslands myndaðist eldingaveðrið í kjölfar kuldaskila sem gengu yfir landið í nótt. Óstöðugt loft fylgdi á eftir þeim með þéttum skúragörðum. Dynjandi haglél fylgdi á eftir skilunum.

Kvikmyndatökumaður Víkurfrétta, Hilmar Bragi Bárðarson, náði þessum myndum á tökuvél þegar veðrið gekk yfir. Myndskeið af eldingunum er væntanlegt innan stundar á VefTV Víkurfrétta.