Gengið á Skógfell og að Þorbjarnarfelli

Miðvikudaginn 3. júní munu Reykjanesgönguferðir ganga frá Gíghæð uppá Stóra Skógfell og áfram meðfram fallegri Sundhnúkagígaröðinni að Gálgaklettum sem eru magnaðir klettar í Hagafelli, þaðan verður gengið með stórri hrauntröð að Þorbjarnarfelli þar sem rútan bíður hópsins.

Gangan tekur 2- 3 klst

Leiðsögumaður:  Rannveig Garðarsdóttir.

Kostnaður: kr 1500 frítt fyrir 12 ára og yngri

Allir velkomnir
 
Upphafsstaður: Vesturbraut 12, Hópferðir Sævars

Hvenær:  kl 19:00

Heilræði:

* Göngustafi.
* Drykkjarföng.
* Léttan bakpoka.
* Viðeigandi hlífðarfatnað eftir veðri (t.d. aukapeysu, sokka, vettlinga, húfu).
* Létt nesti (t.d. samloku, ávexti, kex).
* Góðir gönguskór.
* Góða skapið.


Öryggisupplýsingar:

Fararstjóri í öllum ferðum er Rannveig Lilja Garðarsdóttir
Símanúmer fararstjóra er 893 8900
Félagar úr Björgunarsveitinni Suðurnes eru með í öllum gönguferðum sumarsins og taka þátt í að hafa yfirsýn yfir hópinn, sjá um skyndihjálparviðbrögð, er ráðgefandi varðandi frávik í göngunni. Ef neyðartilvik verður sér björgunarsveitarfólk alfarið um að stýra aðgerðum.

Nota 112 appið ef göngufólk er með það í símanum. Kveikja á því í upphafi göngu. Það gefur upp staðsetningu og auðveldar að ná í 112 ef þess gerist þörf.

Göngufólk meti eigið líkamlegt atgervi og komi ekki nema það treysti sér til.
Göngufólk er á eigin ábyrgð í gönguferðunum.
Leiðsögn fer fram á íslensku.

Aldrei skal yfirgefa hópinn. Við förum saman af stað og komum saman til baka.
Ef af einhverjum ástæðum einhver þarf að fara skal láta fararstjóra vita, ástand er metið og viðkomandi fær fylgd til baka eða allur hópurinn snýr við.