VefTV úr leik Keflavíkur og UMFN: Flautukörfur og fjör
Sigurður Ingimundarson, þjálfari Keflavíkur mjög ósáttur við dómara leiksins
Njarðvíkingar lögðu Keflvíkinga í nágrannaslag í Dominosdeild karla í körfubolta með eins stig mun 91-92. Hér má sjá myndskeið úr lokakafla leiksins og videoviðtöl við Sigurð Ingimundarson, þjálfara Keflavíkur og Njarðvíkinginn unga og efnilega, Elvar Má Friðriksson.
Heimamenn leiddu með tíu stigum í hálfleik en svo færðist meira fjör í leikinn sem var framlengdur. Í framlengingunni höfðu gestirnir betur og unnu sætan sigur. Víkurfréttir voru á staðnum og fönguðu stemmninguna í Toyota höllinni.
