VefTV: Hárið fékk að fjúka fyrir UNICEF

Þær Birta Dís Jónsdóttir og Helga Sóley Halldórsdóttir, nemendur í 10. bekk Myllubakkaskóla í Reykjanesbæ, stóðu við stóru orðin og létu hárið fjúka til styrktar UNICEF. Eins og við greindum frá í síðustu viku þá söfnuðu þær stúlkur áheitum til styrktar UNICEF og áformuðu í staðinn að láta snoða af sér hárið.

Eftir að hafa safnað yfir 100 þúsund krónum var kominn tími til að láta hárið fjúka og það gerðu þær stúlkur Í gærkvöld. Birta Dís var fyrri til og svo fylgdi Helga Sóley í kjölfarið. Það voru blendnar tilfinningar hjá þeim stúlkum eftir að slökkt var rakvélinni.

„Ég lít út eins og bróður minn,“ sagði Helga Sóley eftir að hárið var farið. „Strákarnir eiga örugglega ekki eftir að taka vel í þetta,“ segir Birta Dís og hlær. „Það gerir þetta mikið léttara að við vorum að gera þetta fyrir gott málefni.“

Víkurfréttir fylgdist með því þeim stúlkum í kvöld er hárið fékk að fjúka og má sjá afraksturinn í myndbandinu hér að neðan. Söfnunin verður ennþá í gangi fram á föstudagkvöld og má heita á þær stúlkur með því að leggja inn frjáls framlög á bankareikning sem þær Birta og Helga hafa stofnað. R.nr.: 0142-05-071036, kt.: 230197-2969. Hér má Facebook síðu þeirra stúlkna.

Vinir þeirra Helgu Sóleyar og Birtu Dísar hvöttu þær stúlkur áfram.