Suðurnesjamagasín - horfðu hér!

Suðurnesjamagasín er á dagskrá Hringbrautar í kvöld, fimmtudagskvöld, kl. 20:00 og aftur kl. 22:00. Viðfangsefni okkar í þessari viku eru mörg.

 

Við fórum á Sjóarann síkáta í Grindavík og ræddum við veitingamanninn Jóhann Issa Hallgrímsson. Hann var að kaupa tvo veitingavagna og ætlar að bjóða upp á fisk og franskar í Grindavík og Reykjanesbæ.

 

Íslandsmet í ísbaði var sett í Grindavík. Tveir svellkaldir sátu rúma hálfa klukkustund í vatni við frostmark. Við vorum þar. Við skoðum einnig ný sjálfvirk landamærahlið, kynnum okkur hvatningarverðlaun Reykjanesbæjar og ræðum við Eydísi Eyjólfsdóttur sem hefur verið skáti alla ævi en skátafélagið Heiðabúar í Keflavík er 80 ára í ár.

 

Þáttinn má sjá í háskerpu í spilaranum hér að ofan.