Sjónvarp: Hussein og Omar færðu Ásmundi gjafir

Keflavíkurannállinn sem fluttur var á þorrablóti Keflavíkur á dögunum var hárbeittur og eldfimur á köflum. Áður en annállinn var sýndur mættu óvæntir gestir á þorrablótið. Það voru þeir Hussein og Omar sem voru mættir á svæðið til að fyrirgefa Ásmundi Friðrikssyni þingmanni. Ásmundur átti alla fréttatíma á dögunum vegna ummæla um múslima.

Þeir Hussein og Omar færðu Ásmundi flugelda og smásprengjur ásamt bók þar sem þingmaðurinn átti að kynna sér trúarbrögð þeirra. Í meðfylgjandi myndskeiði er atriðið í heild sinni en styttri útgáfa af því var í Sjónvarpi Víkurfrétta á ÍNN í síðustu viku.