Hönnunarmæðgur, Guðni og buffið, íþróttafélagið Nes og sundpar í SVF

Þetta er mínútustikla úr sjónvarpsþætti vikunnar, Suðurnesjamagasíni Sjónvarps Víkurfrétta.

Þar er kíkt á fjöruganföstudegi í Grindavík. Þar skoðum við framleiðslu á jólaskrauti, förum í hönnunarhús og borðum alvöru fisk og franskar.

Úr Grindavík förum við í afmæli og á æfingu hjá íþróttafélaginu NES á Suðurnesjum en það er íþróttafélag fatlaðra hér suður með sjó. Við heyrum í formanninum og iðkendum.

Við kíktum einnig við í Vatnaveröld í Reykjanesbæ og ræddum við ungt par sem er að gera góða hluti í sundíþróttinni.

Og í lok þáttarins grípum við forseta Íslands glóðvolgan á hlaupum um Reykjanesbæ með buffið fræga.

Suðurnesjamagasín er öll fimmtudagskvöld kl. 21:30 á Hringbraut, vf.is og á rás Kapalvæðingar í Reykjanesbæ.

Guðni setti upp buffið fræga í Reykjanesbæ.