„Eins og það sé búið að berja úr mér lífið“

Ásmundur Friðriksson alþingismaður hefur fengið að finna fyrir samfélagsmiðlum síðustu daga eftir að hann greiddi atkvæði gegn kjarabótum öryrkja og aldraðra. Í viðtali við Víkurfréttir segir Ásmundur að honum líði eins og það sé búið að berja úr honum lífið.

Sjónvarp Víkurfrétta tók viðtal við Ásmund í síðustu viku þar sem farið var um víðan völl. Hann stendur m.a. í bókaútgáfu fyrir þessi jól og um hana verður m.a. fjallað í þætti Víkurfrétta á ÍNN nú á fimmtudaginn.

Í meðfylgjandi myndskeiði birtum við kafla úr viðtalinu þar sem Ásmundur talar um það sem gekk á í liðinni viku.