Aukið aflaverðmæti hjá Þorbirni Fiskanes

Skip Þorbjörns-Fiskaness hf. í Grindavík hafa borið að landi tæplega 25 þúsund tonna afla á þessu ári og nemur aflaverðmætið tæpum 2,9 milljörðum króna. Fyrirtækið gerði í ár út þrjá togara til bolfiskveiða, fjögur línuskip og eitt skip var á línu, trolli og humartrolli á árinu. Aflinn er rúmlega 700 tonnum meiri en á árinu 2004 og aflaverðmætið er um 108 milljónum króna hærra.

Togarar Þorbjörns-Fiskaness hf. eru Gnúpur GK, Hafn Sveinbjarnarson GK og Hrafn GK. Línuskipin eru Sturla GK, Ágúst GK, Geirfugl GK og Valdimar GK. Þuríður Halldórsdóttir GK var gerð út á troll og humartroll hluta ársins en einnig til línuveiða. Afli og aflaverðmæti skipanna er sem hér segir samkvæmt heimasíðu félagsins:

Gnúpur GK                            5477 tonn            663,9 m.kr

Hrafn Sveinbjarnarson GK    4998 tonn            606,4 m.kr

Hrafn GK                               4220 tonn            549,9 m.kr

Sturla GK                               2255 tonn            236,5 m.kr

Ágúst GK                               2162 tonn            228,6 m.kr

Geirfugl GK                           2123 tonn            219,1 m.kr

Valdimar GK                         1981 tonn            212,0 m.kr

Þuríður Halldórsdóttir GK   1573 tonn            169,7 m.kr

Samtals                           24.758 tonn        2.886,0 m.kr

Tekið af skip.is