Keflvíkingar byrjuðu leikinn gegn Sindra af krafti og leiddu 31:24 eftir fyrsta leikhluta. Gestirnir frá Hornafirði gáfu hins vegar ekkert eftir og unnu annan leikhlutann 30:25. Staðan í hálfleik var því 56:54 fyrir Keflavík.

Heimamenn komu mun ákveðnari til leiks eftir hlé og gerðu nánast út um leikinn í þriðja fjórðungi. Keflvíkingar bættu varnarleikinn verulega, héldu Sindramönnum í aðeins 14 stigum og skoruðu sjálfir 26. Fyrir síðasta leikhlutann var staðan orðin 82:68.

Keflavík hélt góðum tökum á leiknum í lokafjórðungnum, vann hann 24:22 og tryggði sér öruggan 16 stiga sigur, 106:90.

Jamir Chaplin var stigahæstur Keflvíkinga með 26 stig og fimm stoðsendingar. Bragi Guðmundsson átti einnig stórleik, skoraði 24 stig, tók tíu fráköst og gaf sex stoðsendingar. Jaka Brodnik skoraði 17 stig og tók átta fráköst en Hilmar Pétursson bætti við 16 stigum og sex stoðsendingum. Ólafur Björn Gunnlaugsson skoraði 12 stig og tók sjö fráköst.

Hjá Sindra var Craig Lecesne stigahæstur með 23 stig og tíu fráköst. Kaleb Lamar Higgins skoraði 20 stig, tók átta fráköst og gaf níu stoðsendingar.

Keflavík hefur þar með unnið báða leiki sína í upphafi deildarkeppninnar.

Njarðvík skoraði aðeins sex stig í síðasta leikhluta

Njarðvíkingar máttu sætta sig við svekkjandi 84:73 tap gegn KR í Vesturbænum eftir að hafa haft yfirhöndina nær allan leikinn.

Gestirnir úr Njarðvík byrjuðu vel og leiddu 24:18 eftir fyrsta leikhluta. Annar leikhlutinn var jafn, 17:17, og Njarðvíkingar fóru því með sex stiga forskot inn í hálfleikinn, 41:35.

Í þriðja leikhluta tókst KR-ingum að minnka muninn lítillega en Njarðvíkingar héldu þó forystunni. Þeir skoruðu 26 stig gegn 27 stigum heimamanna og leiddu 67:62 þegar síðasti fjórðungurinn hófst.

Þá urðu hins vegar algjör kaflaskil í leiknum. Sóknarleikur Njarðvíkinga hrundi og liðið skoraði aðeins sex stig á öllum síðustu tíu mínútunum. KR-ingar gengu á lagið, skoruðu 22 stig gegn sex og sneru fimm stiga tapi í ellefu stiga sigur, 84:73.

Þetta var afar svekkjandi niðurstaða fyrir Njarðvíkinga sem höfðu verið með leikinn í sínum höndum lengst af en fundu engin svör við varnarleik KR í lokafjórðungnum.

Makye Richard var stigahæstur Njarðvíkinga með 23 stig og sex stoðsendingar. Aleksa Ilic skoraði 20 stig og tók tíu fráköst og náði þar með tvöfaldri tvennu. Brynjar Kári Gunnarsson skoraði 12 stig og tók fimm fráköst en Isaiah Coddon bætti við sjö stigum.

Hjá KR var Linards Jaunzems stigahæstur með 20 stig. Rafail Lanaras skoraði 18 stig og tók tíu fráköst. Þórir Guðmundur Þorbjarnarson átti sömuleiðis góðan leik með 15 stig og ellefu stoðsendingar en Adam Ramstedt skoraði 12 stig, tók tíu fráköst og gaf sjö stoðsendingar.

Keflavík-Sindri 106-90 (31-24, 25-30, 26-14, 24-22)

Keflavík: Jamir Chaplin 26/5 stoðsendingar, Bragi Guðmundsson 24/10 fráköst/6 stoðsendingar, Jaka Brodnik 17/8 fráköst, Hilmar Pétursson 16/4 fráköst/6 stoðsendingar, Ólafur Björn Gunnlaugsson 12/7 fráköst, Robertas Jonaitis 7/6 fráköst/3 varin skot, Frosti Sigurðarson 2, Eyþór Lár Bárðarson 2, Jökull Ólafsson 0, Daniel Eric Ottesen Clarke 0, Viktor Magni Sigurðsson 0, Jakob Máni Magnússon 0.

Sindri: Craig Lecesne 23/10 fráköst, Kaleb Lamar Higgins 20/8 fráköst/9 stoðsendingar, Martins Meiers 15/6 fráköst, Erlendur Björgvinsson 9, Hilmar Óli Jóhannsson 5, Birgir Leó Halldórsson 4/6 fráköst, Magnús Dagur Svansson 4/5 fráköst, Alexander Jan Hrafnsson 4, Gísli Þórarinn Hallsson 3/5 stoðsendingar, Friðrik Heiðar Vignisson 3, Rami Ómar Zriouil 0.

KR-Njarðvík 84-73 (18-24, 17-17, 27-26, 22-6)

KR: Linards Jaunzems 20/6 fráköst, Rafail Lanaras 18/10 fráköst, Þórir Guðmundur Þorbjarnarson 15/5 fráköst/11 stoðsendingar, Adam Ramstedt 12/10 fráköst/7 stoðsendingar, Lars Erik Bragason 9, Roberts Berzins 8, Friðrik Anton Jónsson 2/4 fráköst, Reynir Bjarkan Barðdal Róbertsson 0, Finnur Tómasson 0, Hallgrímur Árni Þrastarson 0, Lárus Grétar Ólafsson 0, Sturla Böðvarsson 0.

Njarðvík: Makye Richard 23/6 stoðsendingar, Aleksa Ilic 20/10 fráköst, Brynjar Kári Gunnarsson 12/5 fráköst, Isaiah Coddon 7, Spencer Svejcar 6/4 fráköst, Hugi Hallgrimsson 5/4 fráköst, Almar Orri Jónsson 0, Bóas Orri Unnarsson 0, Ómar Orri Gíslason 0, Viktor Máni Ólafsson 0, Fotios Lampropoulos 0, Snjólfur Marel Stefánsson 0.

Myndasafn úr Keflavíkurleiknum hér að neðan.

Rúnar Ingi Erlingsson er enn að stilla strengi í mjög svo endurnýjuðu Njarðvíkurliði. 

Á þessum þremur árum hefur samstarfið gengið mjög vel og RKVN er nú meðal fjölmennustu félaga landsins í þessum flokkum og fjöldinn hefur haldist stöðugur. Í sumar kom fyrsti Íslandsmeistaratitill RKVN en stelpurnar í A-liði 5. flokks kvenna urðu Íslandsmeistarar í byrjun september. Árangur samstarfsins er þó ekki mældur í titlum eða bikurum heldur fyrst og fremst í fjölda stelpna sem eru að æfa, metnaði í þjálfun, framförum og gleði iðkenda og þeirri tengingu sem hefur myndast milli stelpna frá mismunandi svæðum Suðurnesja.

Í tilefni undirritunar á nýja samningnum var kynntur nýr búningur RKVN og nýtt merki sem hannað var af Halldóri Smára Sigurðssyni. Það er skýr vilji allra félaganna að skapa flotta ímynd RKVN sem styrkir þeirra sérstöðu en þó með sterka tengingu í öll félögin sem standa að baki.

Halldór Smári fékk innblástur að hönnun merkisins frá gömlu lógói Sportvíkur sem var íþróttavöruverslun sem þjónustaði Suðurnesjamenn um árabil. Lógóið samanstendur af 19. aldar leðurbolta og fjögurra tinda kórónu sem táknar liðin fjögur sem standa að baki RKVN.

„Félögin eru virkilega stolt af nýrri ásýnd RKVN og hlakka til að halda áfram að gera vel fyrir fótboltastelpur á Suðurnesjum,“ segir í tilkynningu frá RKVN.

+

Grindavík með fullt hús stiga

Grindavíkurkonur halda áfram að gera það gott í upphafi tímabilsins og eru eina liðið í deildinni sem hefur unnið alla þrjá leiki sína. Þær sóttu Tindastól heim á Sauðárkrók og unnu sannfærandi sigur, 84-62.

Grindavík leiddi 19-16 eftir fyrsta leikhluta en gerði nánast út um leikinn í öðrum leikhluta, sem liðið vann 29-12. Staðan var því 48-28 í hálfleik. Grindavík jók forskotið í þriðja leikhluta og leiddi 70-46 fyrir þann síðasta. Tindastóll náði aðeins að minnka muninn í lokaleikhlutanum og lokatölur urðu 84-62.

Abby Claire Beeman var stigahæst Grindavíkur með 24 stig og sjö stoðsendingar. Farhiya Abdi skoraði 20 stig og tók sex fráköst, en Ellen Nystrom bætti við 11 stigum og átta fráköstum.

Isabella Ósk Sigurðardóttir lét mikið að sér kveða í varnarleiknum og varði sex skot auk þess að skora átta stig og taka fjögur fráköst. Tegan Graham skoraði fimm stig, tók sex fráköst og stal fimm boltum.

Hjá Tindastóli var Quinzia Jamecia Fulmore atkvæðamest með 21 stig og 18 fráköst.

Grindavík er með sex stig á toppi deildarinnar eftir þrjár umferðir.

Dinkins fór á kostum í sigri Njarðvíkur á KR

Njarðvíkurkonur unnu mikilvægan útisigur á KR, 115-97, í leik þar sem sóknarleikurinn var í fyrirrúmi en Vesturbæjarliðinu hefur verið spáð mikilli velgengni eins og reyndar Njarðvíkingum.

KR byrjaði betur og leiddi 25-20 eftir fyrsta leikhluta. Njarðvík svaraði í öðrum leikhluta, vann hann 30-24 og hafði eins stigs forskot í hálfleik, 50-49.

Í þriðja leikhluta tóku Íslandsmeistararnir öll völd. Njarðvík skoraði 33 stig gegn 18 stigum KR og fór með 83-67 forystu inn í síðasta leikhlutann. Njarðvík hélt áfram að skora af miklum krafti og tryggði sér 18 stiga sigur, 115-97.

Brittany Dinkins var enn á ný í aðalhlutverki hjá Njarðvík. Hún skoraði 30 stig, tók sjö fráköst og gaf 11 stoðsendingar og skilaði þar með tvöfaldri tvennu.

Helena Rafnsdóttir átti einnig stórleik og skoraði 21 stig. Ásta Júlía Grímsdóttir var öflug undir körfunni með 19 stig og 13 fráköst, en Sara Björk Logadóttir skoraði 15 stig og Krista Gló Magnúsdóttir 14.

Hjá KR var Rebekka Rut Steingrímsdóttir stigahæst með 30 stig og sjö stoðsendingar, en Dazia Lawrence skoraði 26 stig.

Njarðvík hefur nú unnið tvo af fyrstu þremur leikjum sínum og situr í öðru sæti deildarinnar með fjögur stig.

Keflavík vann Fjölni með 37 stiga mun

Keflavíkurkonur fögnuðu sínum fyrsta sigri í Bónus-deildinni þegar þær lögðu Fjölni örugglega, 98-61, á heimavelli.

Keflavík hafði frumkvæðið frá upphafi og leiddi 24-16 eftir fyrsta leikhluta. Heimakonur juku forskotið jafnt og þétt og voru komnar í 48-30 í hálfleik.

Keflavík hélt áfram að yfirspila gestina í þriðja leikhluta, sem vannst 25-13, og staðan var 73-43 fyrir síðustu tíu mínúturnar. Keflavík vann einnig lokaleikhlutann og tryggði sér 37 stiga sigur en Arnór Daði Jónsson, þjálfari leyfði öllum leikmönnum að spreyta sig gegn ungu liði Fjölnis sem á erfitt uppdráttar í deildinni.

Amaiquen Siciliano var stigahæst Keflavíkur með 20 stig. Thelma Dís Ágústsdóttir skoraði 17 stig og tók fimm fráköst, en Anna Ingunn Svansdóttir bætti við 13 stigum.

Hannah Little skilaði tvöfaldri tvennu með 11 stigum og tíu fráköstum auk sex stoðsendinga. Hanna Gróa Halldórsdóttir skoraði níu stig, tók fimm fráköst og gaf sex stoðsendingar. Oddný Hulda Einarsdóttir bætti við átta stigum og Emelía Ósk Gunnarsdóttir skoraði sjö stig og tók níu fráköst.

Hjá Fjölni var Arna Rún Eyþórsdóttir stigahæst með 16 stig, sjö fráköst og sex stolna bolta.

Keflavík er í sjötta sæti deildarinnar með tvö stig eftir þrjá leiki.

Suðurnesjaliðin í þremur af sex efstu sætunum

Eftir þriðju umferðina er Grindavík ein á toppnum með sex stig og fullt hús sigra. Njarðvík er í öðru sæti með fjögur stig, líkt og KR, Tindastóll og Stjarnan.

Keflavík er í sjötta sæti með tvö stig eftir fyrsta sigur tímabilsins.

Úrslit Suðurnesjaliðanna í 3. umferð:

• KR – Njarðvík 97-115 (25-20, 24-30, 18-33, 30-32)
• Tindastóll – Grindavík 62-84 (16-19, 12-29, 18-22, 16-14)
• Keflavík – Fjölnir 98-61 (24-16, 24-14, 25-13, 25-18)

Staða.:
1.       Grindavík       3       3       0       269     -       198     6
2.       Njarðvík        3       2       1       262     -       253     4
3.       KR      3       2       1       275     -       270     4
4.       Tindastóll      3       2       1       236     -       209     4
5.       Stjarnan        3       2       1       243     -       226     4
6.       Keflavík        3       1       2       235     -       217     2
7.       Haukar  3       1       2       237     -       222     2
8.       Valur   2       1       1       145     -       148     2
9.       Ármann  2       0       2       127     -       184     0
10.     Fjölnir 3       0       3       193     -       295     0

Blikar léku undan vindinum í fyrri hálfleik og uppskáru eitt mark á 18. mínútu. Heimamenn voru meira með boltann en fengu fá marktækifæri. Keflvíkingar áttu góðar skyndisóknir og fátt markvert gerðist í fyrri hálfleiknum. 

Keflvíkingar byrjuðu seinni hálfleik með látum og voru mun betri aðilinn. Eftir nokkrar góðar sóknir þar sem Keflvíkingar áttu tvö stangarskot og fleiri góð marktækifæri fengu þeir hins vegar mark í andlitið þegar Blikar skoruðu á 69. mínútu gegn gangi leiksins. Keflvíkingar svöruðu með marki sjö mínútum síðar. Eiður Orri Ragnarsson skoraði gott mark eftir sendingu frá Alpha Conteh. Keflavík hélt áfram að sækja en heimamenn áttu hættulegar skyndisóknir. Eftir slæm mistök í vörn Keflavíkur skoruðu Blikar þriðja mark sitt í uppbótartíma á 91. mínútu og innsigluðu 3-1 sigur.

Keflavík hefði með smá heppni getað fengið stig út úr þessum leik. Liðið átti 22 skot að marki Blika á móti aðeins 13 en það vantaði að hitta ramman oftar. 

Keflavík er í 6. sæti og hefur aðeins fengið eitt stig úr þremur leikjum í úrslitakeppni efri hlutans. Liðið mætir KR á heimavelli næsta laugardag og svo er síðasti leikurinn gegn ÍA á útivelli viku síðar.

UMFG-KR 80-91

Grindvíkingar leiddu með fimm stigum í hálfleik gegn Vesturbæingum en KR-ingar tóku síðan öll völd í síðari hálfleik og unnu hann með tuttugu stigum. Lokatölur 80-91 og sigur KR vann sanngjarn og nokkuð ljóst að liðið verður í titilbaráttuni í ár. Grindavík er ekki komið með alla sína menn og því erfitt að dæma liðið út frá þessum fyrsta deildarleik ársins. Jemery Pargo var þó mættur, þessi rúmlega fertugi snillingur en hann skoraði sex þrista og 19 stig. Hann gerði líka mistök og það verður áhugavert að sjá hvernig kappanum gengur í vetur en hann tryggði liðinu Íslandsmeistaratitil í vor með magnaðri frammistöðu gegn Tindastóli.

UMFN-Tindastóll 77-85

Njarðvíkingar eru í leikmannavandræðum. Þá vantar leikmenn í hópinn og gerðu sér lítið fyrir og fengu hinn 43 ára Fotios Lampropoulos úr skrifstofuvinnu hjá ameríska sendiráðinu til að fylla í leikmannahópinn. Hann stóð sig ótrúlega vel þegar hans naut við og verður með UMFN eitthvað áfram.

Njarðvíkingar héldu í við Stólana lengst af og unnu t.d. annan leikhluta með níu stigum og voru bara tveimur stigum undir í hálfleik. Tindastóll er með eitt best mannaða lið landsins og þó þeir hafi misst Drungilas, einn sinn sterkasta mann, útaf vegna meiðsla kláruðu þeir leikinn. Lokatölur 77-85.

Þegar litið er yfir stigaskor Njarðvíkingar má sjá að þeir eru með mikið breytt lið en sex stigahæstu leikmenn liðsins léku ekki með liðinu á síðasta tímabili.

Hilmar Bragi mætti með myndavélina á leik UMFN og Tindastól og má sjá myndasafn í fréttinni hér neðar.

Grindavík-KR 80-91 (18-18, 20-15, 15-23, 27-35)

Grindavík: Jeremy Raymon Pargo 19/6 fráköst/9 stoðsendingar, Mirza Bulic 17/8 fráköst, Unnsteinn Rúnar Kárason 14/4 fráköst, Arnór Tristan Helgason 14/5 fráköst, Ragnar Örn Bragason 9/6 fráköst, Valur Orri Valsson 5, Kristófer Breki Gylfason 2, Nökkvi Már Nökkvason 0, Patrekur Atlason 0, Daniel Mortensen 0.

KR: Linards Jaunzems 28/13 fráköst, Roberts Berzins 17, Adam Ramstedt 17/19 fráköst, Reynir Bjarkan Barðdal Róbertsson 10/4 fráköst, Rafail Lanaras 10/7 fráköst/5 stoðsendingar, Lars Erik Bragason 7, Þorvaldur Orri Árnason 2/4 fráköst, Sturla Böðvarsson 0, Friðrik Anton Jónsson 0, Hallgrímur Árni Þrastarson 0, Þórir Guðmundur Þorbjarnarson 0.

Njarðvík-Tindastóll 77-85 (15-26, 27-18, 19-21, 16-20)

Njarðvík: Spencer Svejcar 23/6 fráköst, Makye Richard 19/6 fráköst/6 stoðsendingar, Aleksa Ilic 14/10 fráköst, Brynjar Kári Gunnarsson 12, Fotios Lampropoulos 3, Hugi Hallgrimsson 3/9 fráköst, Snjólfur Marel Stefánsson 3, Bóas Orri Unnarsson 0, Logi Örn Logason 0, Ómar Orri Gíslason 0, Isaiah Coddon 0, Guðmundur Aron Jóhannesson 0.

Tindastóll: Taiwo Hassan Badmus 18/6 fráköst, Júlíus Orri Ágústsson 15/5 stoðsendingar, Sigtryggur Arnar Björnsson 14, Demerquis d´Angelo Bost 12/4 fráköst/8 stoðsendingar, Ade Taqqiyy Henry Murkey 10, Adomas Drungilas 8/5 fráköst, Pétur Rúnar Birgisson 6, Ragnar Ágústsson 2/4 fráköst, Haukur Davíðsson 0, Davis Geks 0.

Keflvíkingar byrjuðu betur og leiddu 31-23 eftir fyrsta leikhluta. Ármann svaraði vel í öðrum leikhluta og skoraði 29 stig, en Keflavík hélt átta stiga forskoti í hálfleik, 62-52.

Eftir hlé tóku Keflvíkingar öll völd. Þeir unnu þriðja leikhlutann 33-15 og fóru með 28 stiga forskot, 95-67, inn í lokaleikhlutann. Ármann vann fjórða leikhlutann 23-13 og náði að laga stöðuna á lokakaflanum, en sigur Keflavíkur var aldrei í hættu. Lokatölur urðu 108-90.

Jamir Chaplin var stigahæstur Keflvíkinga með 28 stig og sjö fráköst. Hilmar Pétursson átti einnig mjög góðan leik með 19 stig, sex fráköst og fimm stoðsendingar.

Grindvíkingurinn Bragi Guðmundsson sem gekk til liðs við Keflvíkinga fyrir þetta tímabil en hann lék með Ármanni í fyrra, skoraði 16 stig, tók níu fráköst og gaf sjö stoðsendingar. Jaka Brodnik skoraði einnig 16 stig auk þess að taka fimm fráköst. Frosti Sigurðarson og Robertas Jonaitis bættu við átta stigum hvor.

Hjá Ármanni var Ingvi Þór Guðmundsson, bróðir Braga, stigahæstur með 15 stig, sex fráköst og fimm stoðsendingar. Adam Johansson skoraði 13 stig, Arnaldur Grímsson 12 og Zarko Jukic 11.

Ármann-Keflavík 90-108 (23-31, 29-31, 15-33, 23-13)

Ármann: Ingvi Þór Guðmundsson 15/6 fráköst/5 stoðsendingar, Adam Johansson 13, Arnaldur Grímsson 12, Zarko Jukic 11, Styrmir Jónasson 9, Kinyon Hodges 7/4 fráköst, Jakob Leifur Kristbjarnarson 6, Jóel Fannar Jónsson 6, Oliver Bieshaar 6/6 fráköst, Ísak Örn Baldursson 5, Magnús Engill Valgeirsson 0/4 fráköst, Kári Kaldal 0.

Keflavík: Jamir Chaplin 28/7 fráköst, Hilmar Pétursson 19/6 fráköst/5 stoðsendingar, Bragi Guðmundsson 16/9 fráköst/7 stoðsendingar, Jaka Brodnik 16/5 fráköst, Frosti Sigurðarson 8, Robertas Jonaitis 8/6 fráköst, Eyþór Lár Bárðarson 7, Ólafur Björn Gunnlaugsson 6, Viktor Magni Sigurðsson 0, Daniel Eric Ottesen Clarke 0, Jökull Ólafsson 0, Jakob Máni Magnússon 0.

Hulda hefur verið meðal dyggustu stuðningsmanna Þróttar og sótt nánast alla heimaleiki liðsins. Stuðningurinn einskorðast þó ekki við heimavöllinn því hún hefur einnig lagt mikið á sig til að komast á útileiki. Hún hefur meðal annars fengið far með öðrum á Selfoss og lengra til að standa við bakið á sínu liði.

Í kveðju frá félaginu er Huldu þakkaður stuðningurinn og tekið fram að viðurkenningin sé verðskulduð.

„Þú ert algjörlega frábær stuðningsmaður og félagið má vera stolt af því að eiga þig að,“ segir í kveðjunni.

Jafnræði var með liðunum frá fyrstu mínútu og staðan 25-25 eftir fyrsta leikhluta. Njarðvíkurkonur náðu örlitlu frumkvæði í öðrum leikhluta, unnu hann 22-20 og leiddu 47-45 þegar gengið var til búningsherbergja.

Keflavík kom sterkt út eftir hlé og sneri leiknum sér í hag. Gestirnir unnu þriðja leikhlutann 21-17 og höfðu tveggja stiga forskot, 66-64, þegar komið var að síðustu tíu mínútunum.

Keflvíkingar héldu forystu þar til þrjár og hálf mínúta var eftir. Þá komust heimakonur yfir og síðan var restin í járnum. Njarðvíkingar voru með nauma forystu í blálokin og litlu munaði að Thelma Dís Ágústsdóttir jafnaði leikinn þegar 17 sekúndir voru eftir en boltinn fór ofan í hringinn en skoppaði upp úr. Dinkins kláraði dæmið á vítalínunni á síðustu sekúndunum.  Lokatölur 83-79, í jöfnum og spennandi grannaslag.

Brittany Dinkins var gríðarlega öflug á lokakaflanum og steig upp þegar þurfti en hún var líka frábær allan leikinn.

Dinkins var langstigahæst Njarðvíkur með 36 stig og lét einnig mikið að sér kveða í varnarleiknum með sex stolna bolta. Helena Rafnsdóttir átti frábæran leik og skoraði 18 stig.

Hulda María Agnarsdóttir var í stóru hlutverki, og var mjög öflug. Hún skoraði 11 stig, tók átta fráköst og gaf sjö stoðsendingar. Ásta Júlía Grímsdóttir réð ríkjum í fráköstunum með 15 slík auk fimm stiga og Emma Grace Theódórsson skoraði sjö stig og tók sjö fráköst. Njarðvíkingar sakna Dani Rodriguez sem verður frá til áramóta vegna meiðsla.

Hannah Little fór fyrir Keflavík með tvöfalda tvennu, 27 stig og 12 fráköst, auk þess að verja þrjú skot. Hún sýndi frábæra takta og er spennandi leikmaður. Amaiquen Siciliano, hinn útlendingurinn, skoraði 23 stig og tók fimm fráköst. Anna Lára Vignisdóttir og Anna Ingunn Svansdóttir skoruðu átta stig hvor og Thelma Dís sjö. Þriggja stiga nýtingin var ekki góð hjá Keflavík en liðið sýndi frábæra baráttu en nýr þjálfari, Arnór Daði Jónsson var ekki ánægður með varnarleikinn en hann getur verið ánægður með mjög margt.

Tölur:

Njarðvík-Keflavík 83-79 (25-25, 22-20, 17-21, 19-13)

Njarðvík nýtti 31 af 63 skotum utan af velli, eða 49,2%, á meðan Keflavík hitti úr 30 af 77, eða 39,0%. Munurinn var sérstaklega áberandi í tveggja stiga skotum: Njarðvík hitti úr 26 af 42, eða 61,9%, en Keflavík úr 23 af 45, eða 51,1%.

Hvorugt lið fann taktinn fyrir utan þriggja stiga línuna. Njarðvík hitti úr fimm af 21 tilraun, eða 23,8%, og Keflavík úr sjö af 32, eða 21,9%. Heimakonur bættu hins vegar upp færri þriggja stiga körfur með fleiri stigum af vítalínunni: 16 gegn 12. Vítanýting Njarðvíkur var 66,7% en Keflavíkur 75,0%.

Keflavík tók einu frákasti meira, 43 gegn 42, þar af 17 sóknarfráköst gegn níu. Gestirnir skoruðu einnig mun fleiri stig eftir tapaða bolta, 22 gegn sex. Njarðvík hafði aftur á móti betur í stigum eftir sóknarfráköst, 14–10. Betri skotnýting og öflugur lokafjórðungur vógu þungt í fjögurra stiga sigri heimaliðsins.

Njarðvík: Brittany Dinkins 36/6 stolnir, Helena Rafnsdóttir 18, Hulda María Agnarsdóttir 11/8 fráköst/7 stoðsendingar, Emma Grace Theódórsson 7/7 fráköst, Ásta Júlía Grímsdóttir 5/15 fráköst, Krista Gló Magnúsdóttir 3, Alexandra Eva Sverrisdóttir 2, Sara Björk Logadóttir 1, Helga Jara Bjarnadóttir 0, Aníta Rut Helgadóttir 0, Kristín Björk Guðjónsdóttir 0, Eygló Kristín Óskarsdóttir 0.

Keflavík: Hannah Little 27/12 fráköst/3 varin skot, Amaiquen Siciliano 23/5 fráköst, Anna Lára Vignisdóttir 8, Anna Ingunn Svansdóttir 8, Thelma Dís Ágústsdóttir 7/4 fráköst, Emelía Ósk Gunnarsdóttir 4/4 fráköst, Hanna Gróa Halldórsdóttir 2, María Jónsdóttir 0, Ásdís Elva Jónsdóttir 0, Ásdís Lilja Guðjónsdóttir 0, Kamilla Nótt Bergsveinsdóttir 0, Oddný Hulda Einarsdóttir 0.

Fimleikadeild Keflavíkur hefur vaxið mikið á undanförnum árum og starfsemin er orðin bæði umfangsmikil og fjölbreytt. Í dag býður deildin upp á hópfimleika, áhaldafimleika, almenna fimleika, parkour, starf fyrir yngstu iðkendurna, fullorðna og eldri borgara auk ýmissa þróunar- og inngildingarverkefna.

„Ég þekki deildina auðvitað vel eftir að hafa setið sem varaformaður í stjórn í fjögur ár, en það er allt annað að stíga inn í daglegan rekstur. Ég hlakka mjög mikið til verkefnisins. Hér er ótrúlega öflugt starfsfólk, stór hópur þjálfara og sjálfboðaliða og fyrst og fremst gríðarlega metnaðarfullt starf fyrir iðkendurna okkar,“ segir Berglind.

Eitt mikilvægasta verkefnið fram undan verður að styrkja enn frekar umgjörðina utan um ört vaxandi starfsemi. Áhersla verður lögð á skýrari verkferla og ábyrgð, gott upplýsingaflæði og að skapa starfsfólki og þjálfurum sterkt umhverfi til að sinna sínu faglega starfi.

„Þegar starfsemi verður svona umfangsmikil er ekki lengur hægt að treysta endalaust á reddingar og að einhver taki verkefni að sér í sjálfboðavinnu eins og raunin hefur verið hjá fimleikadeildinni. Markmiðið mitt er að byggja upp faglega og skýra umgjörð utan um starfið án þess að missa það sem gerir félagið sérstakt – gleðina, samheldnina og kraftinn sem fylgir íþróttastarfi.“

Aðstöðumálin stærsta verkefnið

Aðstöðumál verða áfram eitt stærsta verkefni deildarinnar. Núverandi aðstaða í Íþróttaakademíunni er mikið nýtt og eftirspurn eftir tímum og fjölbreyttara starfi hefur aukist. Samhliða því hefur deildin unnið að frekari uppbyggingu á Ásbrú þar sem áhersla er lögð á að skapa fleiri og fjölbreyttari leiðir fyrir börn og ungmenni inn í íþróttastarf.

„Ég hef mjög mikinn áhuga á því hvernig íþróttafélög geta náð til fleiri barna og í mínum huga er það að reka íþróttadeild eins konar samfélagsþjónusta. Það eiga ekki öll börn að þurfa að passa inn í sama mótið. Við þurfum líka að búa til starf sem hentar ólíkum áhuga, getu og þörfum. Parkour, starf á Ásbrú og verkefni fyrir börn með ólíkar stuðningsþarfir eru dæmi um það sem mig langar að halda áfram að byggja upp.“

Berglind er iðnaðar- og nýsköpunarverkfræðingur að mennt og hefur starfað við verkefna- og vörustjórnun, stafræna þróun, innleiðingu og breytingastjórnun hjá bæði opinberum aðilum og einkafyrirtækjum.

Hún segir þó að nýja starfið sameini á margan hátt það sem hafi lengi verið henni hugleikið.

„Þarna koma saman stjórnun, þróunarstarf, samfélagið mitt og íþróttastarf sem mér hefur þótt ótrúlega vænt um í mörg ár. Ég er því bæði spennt og meðvituð um að verkefnin fram undan eru stór og sum ansi krefjandi. En hér eru líka mikil tækifæri.“

Árangur ekki bara medlíur

Gildi Fimleikadeildar Keflavíkur eru gleði, ástríða og árangur og segir Berglind þau vera góðan leiðarvísi fyrir næstu skref.

„Árangur er nefnilega ekki bara medalíur. Árangur getur líka verið barn sem finnur loksins íþrótt sem það elskar, þjálfari sem fær að vaxa í starfi eða félag sem tekst að byggja upp umhverfi þar sem fólk vill vera. Það er samfélagið sem við viljum halda áfram að byggja.“

Leikurinn var jafn framan af og Grindavík hafði tveggja stiga forskot, 27-25, eftir fyrsta leikhluta. Varnarleikurinn tók síðan völdin í öðrum leikhluta þar sem Grindavík vann 13-9 og leiddi 40-34 í hálfleik.

Haukar komu sterkir til baka eftir hlé og unnu þriðja leikhlutann 26-18. Gestirnir voru því komnir tveimur stigum yfir, 60-58, þegar tíu mínútur voru eftir.

Grindvíkingar áttu hins vegar síðasta orðið. Þær tóku aftur stjórnina í lokaleikhlutanum, skoruðu 23 stig gegn 11 og tryggðu sér tíu stiga sigur, 81-71.

Abby Claire Beeman var í aðalhlutverki hjá Grindavík og nálægt þrefaldri tvennu en hún skoraði 22 stig, tók átta fráköst og gaf 12 stoðsendingar. Tegan Graham skoraði 18 stig og Farhiya Abdi var með 14 stig og átta fráköst.

Isabella Ósk Sigurðardóttir átti einnig mjög góðan leik og skilaði tvöfaldri tvennu, 12 stigum og 12 fráköstum. Ellen Nystrom var líka góð með tíu stig og níu fráköst.

Tinna Guðrún Alexandersdóttir var stigahæst hjá Haukum með 18 stig auk þess sem hún gaf sex stoðsendingar. Jadakiss Nashi Guinn skoraði 15 stig og tók sjö fráköst.

Grindavík-Haukar 81-71 (27-25, 13-9, 18-26, 23-11)

Grindavík: Abby Claire Beeman 22/8 fráköst/12 stoðsendingar, Tegan Graham 18, Farhiya Abdi 14/8 fráköst, Isabella Ósk Sigurðardóttir 12/12 fráköst, Ellen Nystrom 10/9 fráköst, Hulda Björk Ólafsdóttir 5, Ólöf Rún Óladóttir 0/4 fráköst, Ólöf María Bergvinsdóttir 0, Jenný Geirdal Kjartansdóttir 0.

Haukar: Tinna Guðrún Alexandersdóttir 18/6 stoðsendingar, Jadakiss Nashi Guinn 15/7 fráköst, Eloise Stéphanie Pavrette 12/6 fráköst, Rósa Björk Pétursdóttir 9/4 fráköst, Sigrún Björg Ólafsdóttir 8/13 fráköst/5 stoðsendingar, Arnheiður Ísleif Ólafsdóttir 6, Sólrún Inga Gísladóttir 3, Agnes Jónudóttir 0, Ásta Margrét Jóhannesdóttir 0, Ásdís Freyja Georgsdóttir 0, Hafrós Myrra Eyland Hafsteinsdóttir 0.

KR byrjaði betur og var fimm stigum yfir eftir fyrsta leikhluta, 22-17. Grindvíkingar svöruðu í öðrum leikhluta, skoruðu 27 stig gegn 25 og því munaði aðeins þremur stigum í hálfleik, 47-44 fyrir KR.

Eftir hlé skildu leiðir. KR-ingar settu mikinn kraft í leik sinn, unnu þriðja leikhlutann 31-12 og fóru með 22 stiga forskot, 78-56, inn í lokaleikhlutann. Grindavík náði ekki að ógna forskotinu eftir það og KR bætti heldur í áður en yfir lauk. Lokatölur urðu 106-79.

Roberts Berzins og Friðrik Anton Jónsson voru stigahæstir KR-inga með 21 stig hvor, en Friðrik tók einnig fimm fráköst. Linards Jaunzems skoraði 17 stig og Þorvaldur Orri Árnason var með 13 stig og sex fráköst.

Mirza Bulic, besti leikmaður Keflavíkur á síðustu leiktíð, var atkvæðamestur Íslandsmeistaranna með 20 stig og heil 16 fráköst. Valur Orri Valsson og Arnór Tristan Helgason skoruðu 17 stig hvor og Nökkvi Már Nökkvason bætti við tíu stigum.

Grindavík-KR 79-106 (17-22, 27-25, 12-31, 23-28).

Grindavík: Mirza Bulic 20/16 fráköst, Valur Orri Valsson 17, Arnór Tristan Helgason 17, Nökkvi Már Nökkvason 10, Kristófer Breki Gylfason 6/5 fráköst, Ragnar Örn Bragason 6, Ragnar Guðmundsson 3, Albert Þorleifsson 0, Patrekur Atlason 0, Jason Helgi Ragnarsson 0.

KR: Roberts Berzins 21, Friðrik Anton Jónsson 21/5 fráköst, Linards Jaunzems 17/4 fráköst, Þorvaldur Orri Árnason 13/6 fráköst, Adam Ramstedt 9/9 fráköst, Lars Erik Bragason 9/5 fráköst/6 stoðsendingar, Reynir Bjarkan Barðdal Róbertsson 7/5 fráköst/5 stoðsendingar, Hallgrímur Árni Þrastarson 3, Sturla Böðvarsson 3, Rafail Lanaras 3/5 fráköst/8 stoðsendingar, Þórir Guðmundur Þorbjarnarson 0, Finnur Tómasson 0.

Leikurinn var rólegur en tvö mörk Grindavíkur/Njarðvíkur eftir hornspyrnur voru dæmd af. Það fyrra kom strax á 2. mínútu og það síðara á 60. mínútu.

Um 50 áhorfendur fylgdust með leiknum í björtu veðri og átta stiga hita, segir í leiklýsingu á fotbolti.net

Fyrsti leikhluti: Njarðvík með tveggja stiga forskot

Njarðvík skoraði 20 stig gegn 18 stigum Vals í fyrsta leikhluta. Gestirnir höfðu því tveggja stiga forskot að fyrstu tíu mínútunum loknum, 20–18.

Annar leikhluti: Jafnt skor og óbreyttur munur

Liðin skoruðu bæði 15 stig í öðrum leikhluta. Njarðvík hélt þar með forskotinu og leiddi 35–33 í hálfleik. Lítið skildi liðin að eftir fyrri hálfleikinn og staðan enn opin.

Þriðji leikhluti: Njarðvík jók forskotið

Njarðvík hafði aftur betur í þriðja leikhluta, nú 17–14. Forskot gestanna jókst úr tveimur stigum í fimm og þeir leiddu 52–47 fyrir síðustu tíu mínúturnar. Njarðvík hafði þá skorað fleiri stig en Valur í tveimur leikhlutum en jafnt hafði verið í einum.

Fjórði leikhluti: Valur vann lokakaflann 30–12

Valur sneri stöðunni við með afgerandi fjórða leikhluta. Heimaliðið skoraði 30 stig en Njarðvík aðeins 12 og vann því leikhlutann með 18 stiga mun. Fimm stiga forskot Njarðvíkur breyttist þannig í þrettán stiga sigur Vals, 77–64. Valsliðið skoraði nærri 39 prósent allra stiga sinna í lokahlutanum.

Fleiri skot og meiri stigaskorun í teignum

Heildarskotnýting liðanna var áþekk. Valur hitti úr 27 af 71 skoti utan af velli, eða 38,0 prósentum, en Njarðvík úr 23 af 62, eða 37,1 prósenti. Valur tók hins vegar níu fleiri skot og skoraði fjórar fleiri körfur úr leik.

Heimaliðið var með betri tveggja stiga nýtingu, 51,3 prósent gegn 46,2 prósentum. Bæði lið tóku 39 tveggja stiga skot en Valur hitti úr 20 og Njarðvík 18. Valur skoraði einnig tíu fleiri stig í teignum, 38 gegn 28.

Þriggja stiga nýtingin var nánast sú sama: Valur hitti úr sjö af 32 skotum, eða 21,9 prósentum, en Njarðvík úr fimm af 23, eða 21,7 prósentum. Tvær þriggja stiga körfur til viðbótar skiluðu Val sex stiga forskoti í þeim þætti. Valsliðið bætti við 16 stigum af vítalínunni úr 20 tilraunum en Njarðvík skoraði 13 úr 16.

Liðin tóku bæði 43 fráköst en Valur náði 12 sóknarfráköstum gegn átta hjá Njarðvík. Heimaliðið tapaði jafnframt boltanum sjö sinnum en gestirnir 13 sinnum. Það skilaði þó ekki Val fleiri stigum eftir tapaða bolta; þar hafði Njarðvík betur, 10–2. Gestirnir fengu einnig mun fleiri stig af bekknum, 26 gegn níu.

Reshawna stigahæst og Alyssa með tvöfalda tvennu

Reshawna Rosie S. lék allar 40 mínúturnar fyrir Val og skoraði 23 stig. Hún hitti úr átta af 17 skotum utan af velli, tók fjögur fráköst og stal tveimur boltum. Dzana C. bætti við 18 stigum og fjórum fráköstum.

Alyssa Marie C. átti fjölhæfan leik með 13 stig, tíu fráköst og fjórar stoðsendingar. Hún stal auk þess þremur boltum og varði tvö skot. Þóranna Kika H. tók níu fráköst, þar af fjögur í sókn, og skoraði átta stig.

Danielle Victoria R. var atkvæðamest í stigaskorun Njarðvíkur með 21 stig á 27:52 mínútum. Hún hitti úr sjö af 12 skotum utan af velli og sjö af átta vítum. Brittany D. skoraði 12 stig, tók sjö fráköst og gaf þrjár stoðsendingar.

Emma Grace T. skoraði 11 stig og tók sex fráköst. Hún hitti úr þremur af fjórum þriggja stiga skotum og skoraði því þrjár af fimm þriggja stiga körfum Njarðvíkur. Ásta Júlía G. tók tíu fráköst ásamt því að skora sex stig og gefa tvær stoðsendingar. Krista Gló M. bætti við sex fráköstum.

Valur – leikmenn sem fengu leiktíma

Njarðvík – leikmenn sem fengu leiktíma

Tindastóll hafði tveggja stiga forskot eftir fyrsta leikhluta. Heimakonur skoruðu 21 stig gegn 19 stigum Keflavíkur og því var lítið sem skildi liðin að.

Keflavík vann annan leikhluta með sömu tölum, 21–19. Gestirnir jöfnuðu þar með stöðuna og liðin gengu til hálfleiks með 40 stig hvort.

Í þriðja leikhluta náði Tindastóll yfirhöndinni. Heimakonur skoruðu 20 stig en Keflavík tíu og staðan fyrir lokafjórðunginn var því 60–50.

Stigaskor beggja liða var lægst í fjórða leikhluta. Tindastóll bætti við 13 stigum en Keflavík átta og niðurstaðan varð fimmtán stiga sigur heimakvenna. Keflavík skoraði samtals 18 stig í síðari hálfleik, gegn 33 stigum Tindastóls.

Fráköst og þriggja stiga skot voru meðal þess sem helst skildi liðin að. Tindastóll tók 53 fráköst gegn 39 hjá Keflavík og munurinn var sérstaklega mikill í sóknarfráköstum, 19 gegn sjö. Heimakonur skoruðu 17 stig eftir sóknarfráköst en Keflavík fjögur.

Tindastóll hitti úr tíu af 31 þriggja stiga skoti, eða 32,3%. Keflavík setti aðeins niður fjögur úr 30 tilraunum, sem gerir 13,3% nýtingu. Heimakonur fengu því 18 fleiri stig úr þriggja stiga skotum.

Keflavík nýtti hins vegar tveggja stiga skotin betur, hitti úr 18 af 33, eða 54,5%, gegn 19 af 47 hjá Tindastóli og 40,4% nýtingu. Tindastóll tók alls fimmtán fleiri skot utan af velli, 78 gegn 63. Heildarskotnýting heimakvenna var 37,2% en Keflavíkur 34,9%.

Keflavík hafði yfirhöndina í stigum eftir tapaða bolta, 19–14, og fékk 17 stig frá varamönnum gegn átta hjá Tindastóli. Það nægði þó ekki til að vega upp muninn í fráköstum og þriggja stiga körfum.

Siciliano skoraði ellefu stig fyrir Keflavík, tók fimm fráköst og gaf þrjár stoðsendingar. Emelía Ósk Gunnarsdóttir bætti við tíu stigum, sjö fráköstum og fjórum stoðsendingum. Thelma Dís Ágústsdóttir var með níu stig, fimm fráköst og tvær stoðsendingar.

Hannah Little var frákastahæst allra í leiknum með ellefu fráköst. Hún skoraði einnig sex stig, gaf þrjár stoðsendingar, stal þremur boltum og varði tvö skot. Anna Lára Vignisdóttir skoraði sex stig af bekknum og hitti úr þremur af fjórum skotum sínum utan af velli.

Hjá Tindastóli var Quinzia Jamecia F. með tvöfalda tvennu, 18 stig og tíu fráköst, þar af sex sóknarfráköst. Florencia Chagas C. skilaði 14 stigum, níu fráköstum og þremur stoðsendingum. Kolbrún María Á. skoraði 13 stig og tók átta fráköst, en Macarena Durso V. var einnig með 13 stig, auk sex frákasta og fimm stoðsendinga. Inga Sólveig S. bætti við átta stigum og átta fráköstum af bekknum.

Keflavík

Tindastóll

Fyrsti leikhluti var sá jafnasti í leiknum. Grindavík skoraði 25 stig gegn 21 stigi Ármanns og hafði því fjögurra stiga forskot að honum loknum.

Grindavík jók muninn í öðrum leikhluta, sem liðið vann 21–13. Staðan í hálfleik var því 46–34, Grindavík í vil.

Gestirnir skoruðu mest í þriðja leikhluta, alls 30 stig, en Ármann svaraði með 18 stigum. Forskot Grindavíkur tvöfaldaðist úr tólf í 24 stig og staðan fyrir lokafjórðunginn var 76–52.

Grindavík hélt áfram að bæta við forskotið í fjórða leikhluta. Liðið vann hann 28–13 og niðurstaðan varð 39 stiga sigur, 104–65.

Skotnýtingin var einn stærsti munurinn á liðunum. Bæði tóku 72 skot utan af velli en Grindavík hitti úr 38 þeirra, eða 52,8%, gegn 24 körfum Ármanns og 33,3% nýtingu. Grindavík setti niður 17 þriggja stiga skot úr 37 tilraunum, sem gerir 45,9% nýtingu. Ármann hitti úr átta af 31, eða 25,8%. Grindavík fékk því 27 fleiri stig úr þriggja stiga skotum.

Stoðsendingar Grindavíkur voru 32 gegn tólf hjá Ármanni. Gestirnir töpuðu einnig færri boltum, 13 gegn 24, og skoruðu 30 stig eftir tapaða bolta heimaliðsins. Ármann fékk tólf stig með sama hætti. Grindavík hafði jafnframt yfirhöndina í hraðaupphlaupum, 23 stig gegn níu, og framlag varamanna var 27 stig gegn níu.

Ármann vann hins vegar frákastabaráttuna, 47–39, og tók 19 sóknarfráköst gegn níu hjá Grindavík. Það skilaði heimaliðinu þó aðeins einu stigi meira úr öðrum sóknum eftir sóknarfráköst, ellefu gegn tíu.

Beeman var atkvæðamest hjá Grindavík. Auk 29 stiga og 13 stoðsendinga tók hún fimm fráköst og stal fimm boltum. Hún hitti úr ellefu af fjórtán skotum sínum utan af velli, eða 78,6%, þar af fjórum af sex þriggja stiga skotum.

Tegan Graham skoraði 19 stig, tók sjö fráköst og gaf fimm stoðsendingar. Hún setti niður fimm þriggja stiga skot úr ellefu tilraunum. Farhiya Abdi bætti við 16 stigum, fimm fráköstum og fjórum stoðsendingum. Hulda Björk Ólafsdóttir kom af bekknum með 14 stig og hitti úr þremur af fimm þriggja stiga skotum sínum. Ellen Nystrom skilaði ellefu stigum, sjö fráköstum og sex stoðsendingum, auk fjögurra stolinna bolta og tveggja varinna skota.

Edyta Ewa Falenzcyk og Diamond Alexis Battles báru hitann og þungann af stigaskorun Ármanns með samtals 42 af 65 stigum liðsins. Falenzcyk skoraði 22 stig og tók níu fráköst. Hún hitti úr fjórum af níu þriggja stiga skotum. Battles var með 20 stig, sjö stoðsendingar, þrjá stolna bolta og tvö varin skot. Jónína Þórdís Karlsdóttir bætti við sjö stigum og sjö fráköstum, en Milica Sirovina var með sex stig og sex fráköst.

Grindavík

Ármann

Tinna Hrönn Einarsdóttir kom Grindavík/Njarðvík yfir á 43. mínútu. Eftir hornspyrnu hrökk boltinn út fyrir vítateig, þar sem Tinna tók við honum og skoraði með föstu vinstri fótar skoti.

Emma Nicole Phillips bætti við marki á 48. mínútu. Markvörður FH rann þegar hún ætlaði að ná bolta sem hafði verið skallað hátt upp í loftið innan teigs. Boltinn fór fram hjá henni og Emma nýtti færið. Aðeins mínútu síðar var Emma aftur á ferðinni. Hún náði sendingu inn fyrir vörn FH á undan markverði FH og kom boltanum í markið. Markvörður FH meiddist í úthlaupinu og þurfti að fara af velli.

Hafrún Birna Helgadóttir minnkaði muninn fyrir FH á 59. mínútu með skoti utan vítateigs í fjærhornið. Á 82. mínútu tók FH hornspyrnu sem barst út í teiginn. Hrönn Haraldsdóttir skallaði boltann að marki og Elín Björg Norðfjörð Símonardóttir breytti stefnu hans af stuttu færi. Staðan var þá orðin 3:2 og mikil spenna, en nær komst FH ekki þrátt fyrir sex mínútna uppbótartíma. Góður sigur Grindavíkur/Njarðvíkur því staðreynd.

Fyrsti leikhluti: Liðin fóru jafnt af stað, en Njarðvík náði að skapa sér forskot þegar leið á leikhlutann. Heimakonur skoruðu 30 stig gegn 24 stigum Keflavíkur.

Annar leikhluti: Stigaskorið hægðist verulega. Keflavík vann leikhlutann 15:10 og saxaði sex stiga forskot Njarðvíkur niður í eitt stig. Staðan í hálfleik var 40:39.

Þriðji leikhluti: Njarðvík fann aftur taktinn í sókninni og skoraði 27 stig. Keflavík hélt þó í við heimakonur með 23 stig og munaði fimm stigum fyrir lokaleikhlutann, 67:62.

Fjórði leikhluti: Njarðvík jók forskotið snemma í leikhlutanum, en Keflavík gafst ekki upp og náði að halda spennu í leiknum. Liðin skoruðu 16 stig hvort á síðustu tíu mínútunum og fimm stiga sigur Njarðvíkur varð niðurstaðan, 83:78.

Brittany Dinkins var stigahæst Njarðvíkinga með 19 stig. Ásta Júlía Grímsdóttir skoraði 14 stig, tók 11 fráköst og gaf sex stoðsendingar. Hjá Keflavík skoraði Thelma Dís Ágústsdóttir 27 stig og Emelía Ósk Gunnarsdóttir 20.

Njarðvík tók 46 fráköst gegn 35 fráköstum Keflavíkur og fékk 22 stig frá varamönnum sínum á móti sex stigum frá bekk gestanna. Áhorfendur í IceMar-höllinni voru 698.

Leikhlutar: 30:24, 10:15, 27:23, 16:16.

Njarðvík fékk 233 stig í spánni, Grindavík 218 og KR 202. Munurinn á Njarðvík og Grindavík er 15 stig. Stigin sýna niðurstöðu spárinnar, ekki stig sem liðin hafa unnið sér inn í deildinni.

Spáin í heild:

1. Njarðvík – 233 stig
2. Grindavík – 218 stig
3. KR – 202 stig
4. Haukar – 165 stig
5. Tindastóll – 140 stig
6. Keflavík – 126 stig
7. Valur – 103 stig
8. Stjarnan – 80 stig
9. Ármann – 52 stig
10. Fjölnir – 31 stig

Margrét Viktoría var í stóru hlutverki með Keflavík í sumar. Hún varmeð í sextán viðureignum af átján og skorað eitt mark.

Keflvíkingar enduðu í 8. sæti af tíu liðum með 21 stig.

Eiður Aron, sem er fyrirliði Njarðvíkurliðsins, lék sitt fyrsta tímabil með félaginu og var öflugur í hjarta varnarinnar. Hann varð hins vegar fyrir því óláni að meiðast fyrir umspil Lengjudeildarinnar.

Viktor Leó efnilegastur

Viktor Leó Elíasson var valinn efnilegasti leikmaðurinn. Viktor Leó er fæddur árið 2009 og kom við sögu í fjórum leikjum í Lengjudeildinni í sumar. Alls lék hann sjö meistaraflokksleiki á vegum KSÍ á tímabilinu.

Arnleifur Hjörleifsson var valinn besti leikmaður liðsins að mati stuðningsmanna og stjórnar. Hann átti mjög gott tímabil á vinstri væng Njarðvíkurliðsins.

Bragi Karl Björnsson varð markahæsti leikmaður liðsins í Lengjudeildinni með níu mörk á sínu fyrsta tímabili hjá félaginu. Hann hefur alls skorað tólf mörk í 29 leikjum fyrir Njarðvík.

Leikja- og markamet slegin

Arnar Helgi Kristjánsson fékk sérstaka viðurkenningu fyrir að hafa slegið leikjamet Njarðvíkur á tímabilinu. Hann hefur nú leikið 282 leiki fyrir félagið.

Oumar Diouck fékk einnig viðurkenningu eftir að hafa slegið markamet félagsins. Hann hefur skorað 79 mörk fyrir Njarðvík.

Fjórir leikmenn voru heiðraðir fyrir að hafa náð 50 leikjum fyrir félagið. Það voru þeir Arnleifur Hjörleifsson, Símon Logi Thasaphong, Björn Aron Björnsson og Valdimar Jóhannsson.

Stefán Marteinn sjálfboðaliði ársins

Stefán Marteinn var valinn sjálfboðaliði ársins. Hann tók við starfi liðsstjóra fyrir tímabilið og sinnti því hlutverki í allt sumar.

Njarðvíkingar stefna á að byggja áfram ofan á árangur sumarsins. Markmiðið fyrir næsta tímabil er skýrt: að koma liðinu upp í Bestu deild karla.

Þetta var annar leikur bítlabæjarliðsins í efri hlutanum en liðið tapaði við Íslandsmeisturum Víkings í síðustu viku.

Keflvíkingar voru meira með boltann í fyrri hálfleik en engu að síður fengu Framarar margar hornspyrnur sem þeir nýttu ekki. Staðan jöfn í hálfleik en á þriðju mínútu síðari hálfleik komust heimamenn yfir með flottu skallamarki Stefans Ljubicic sem fékk frábæra sendingu nálægt endalínu við markteig frá Eiði Orra Ragnarssyni.

Framarar jöfnuðu nokkrum mínútum síðar en þetta hlýtur að teljast eitt mesta klaufamark sumarsins, alla vega hjá Keflavík. Framarinn Róbert Hauksson komst inn í miðan vítateig með boltann og Á

sgeir Orri markvörður náði ekki til boltans sem rann inn að

markinu þar sem tveir Keflvíkingar, Egill og Margin Brigic náðu ekki að hreinsa frá á hreint ótrúlegan hátt og boltinn rann yfir marklínuna með hjálpa Róberts, 1-1.

Markið virtist gefa Frömurum byr undir báða vængi og þeir sóttu stíft næstu mínúturnar og uppskáru mark um fimm mínúturm síðar. Freyr Sigurðsson skoraði sitt annað mark eftir að boltinn barst til hans eftir að varnarmönnum Keflavíkur tókst ekki að hreinsa almennilega frá vítateignum eftir sókn Framara, 1-2.

Keflvíkingar gáfust ekki upp við mótlætið og sóttu nokkuð meira næstu mínúturnar. Þeir uppskáru mark á 66. mínútu og aftur var það aftur glæsielgt skallamark. Egill Valur Karlsson, vinstri bakvörður Keflavíkur átti þá góða fyrirgjöf sem endaði á kollinum á Elvis Okello sem skallaði í netið og jafnaði, 2-2.

Liðin skiptust á að sækja það sem eftir lifði leiks en heimamenn þó nokkuð aðgangangsharðari að markinu, sérstaklega síðustu tíu mínúturnar og áttu nokkur góð tækifæri, m.a. Eiður Orri Ragnarsson og Ásgeir Páll Magnússon sem báðir voru nálægt því að skora, einnig kom Stefan Ljubicic í hættulegt færi. Lokastaðan því 2-2 sem hljóta að teljast nokkuð sanngjörn úrslit.

Keflvíkingar verma áfram 6. sætið með 29 stig en Skagamenn eru í 5. sæti en þeir sigruðu Blika örugglega.

Elvis skoraði sitt fyrsta mark með Keflavík og jafnaði 2-2 með flottu skallamarki. VF/hilmarbragi.

Fyrir leikinn var Hólmberts Friðjónssonar, þjálfara og leikmanns Keflavíkur og síðar þjálfara m.a. Framara, minnst en hann lést nýlega.

Lið RKVN 

Steina Björk Gunnarsdóttir 

Helga Kristín Guðmundsdóttir

Auður Embla Viktorsdóttir

Guðný Anna Bjarnadóttir

Margrét Kara Davíðsdóttir

Kristrún Þóra Valberg

Sara Lind Jónsdóttir

Thelma Lind Henrýsdóttir

Nanna Dís Valtýsdóttir 

Þjálfarar

Sólrún Sigvaldadóttir

Adam Sigurðsson

Skúli Sigurðsson

Elva Margrét Sverrisdóttir

Ísland leikur þrjá leiki, gegn Frakklandi og Sviss á Laugardalsvelli áður en liðið heldur til Færeyja í þriðja leikinn.

Agla María Albertsdóttir kom Breiðabliki yfir strax á annarri mínútu og aðeins tíu mínútum síðar bætti Kristín Dís Árnadóttir við öðru marki heimakvenna.

Edith Kristín Kristjánsdóttir skoraði þriðja mark Breiðabliks á lokamínútu fyrri hálfleiks og staðan því 3–0 þegar liðin gengu til búningsherbergja.

Júlía skoraði mark gestanna

Þórdís Elva Ágústsdóttir kom Breiðabliki í 4-0 á 52. mínútu. Átta mínútum síðar náði Grindavík/Njarðvík að klóra í bakkann þegar Júlía Ruth Thasaphong skoraði.

Fleiri mörk voru ekki skoruð og lokatölur urðu 4–1 fyrir Breiðabliki. Um var að ræða fyrstu umferðina eftir að Bestu deildinni var skipt í efri og neðri hluta.

Alls mættu 310 áhorfendur á Kópavogsvöll.

Guðjón Árni er öllum hnútum kunnugur hjá Keflavík og á að baki langan og farsælan feril með félaginu. Hann lék um árabil með meistaraflokki karla, var fyrirliði liðsins og varð tvívegis bikarmeistari í bláu treyjunni.

Þjálfað efnilega leikmenn félagsins

Undanfarin ár hefur Guðjón Árni komið að þjálfun hjá Keflavík. Hann hefur ásamt Einari Orra Einarssyni þjálfað 2. flokk félagsins við góðan orðstír.

Guðjón Árni þekkir því vel til starfsins innan knattspyrnudeildarinnar og einnig þeirra ungu leikmanna sem nú eru að stíga sín fyrstu skref með meistaraflokki kvenna.

Boðinn velkominn til starfa

Í tilkynningu frá knattspyrnudeild Keflavíkur er Guðjón Árni boðinn velkominn til starfa og þess getið að miklar væntingar séu bundnar við samstarfið. Ekki kemur fram hvenær hann stýrir liðinu í fyrsta sinn.

Muhamed kom fyrst til Keflavíkur sumarið 2023 og lék með liðinu út tímabilið áður en leið hans lá aftur til Króatíu. Hann sneri aftur til Keflavíkur fyrir tímabilið 2025 og hefur síðan verið lykilmaður í liðinu.

Muhamed skoraði sjö mörk og lagði upp ellefu í Lengjudeildinni í fyrra og fór síðan á kostum í umspilinu þar sem hann lagði upp fimm mörk.

Muha hefur síðan verið mikilvægur hlekkur í Keflavíkurliðinu sem hefur fest sig í sessi í Bestu deildinni á ný, segir í tilkynningu frá félaginu.

Keflvíkingar voru í vandræðum í fyrri hálfleik og fengu á sig þrjú mörk og annað til viðbótar í byrjun síðari hálfleiks. Þeir hresstust þó við það og sýndu betri leik í seinni hálfleik og uppskáru eitt mark þegar Muhamed Alghoul skoraði á 74. mínútu. Þeir áttu sláarskot á 82. mínútu og voru óheppnir að boltinn færi ekki í netið eftir góða spyrnu frá Marin.

Keflvíkingar eiga næsta leik gegn Fram, næst efsta liði deildarinnar.

Njarðvíkingar áttu ekki sinn besta leik í mikilvægri viðureign. Þeir lentu tveimur mörkum undir eftir að Þróttarar skoruðu á 28. og 53. mínútu og voru því þremur mörkum undir í einvíginu. Þeir skoruðu mark á 68. mínútu þegar Valdimar Jóhannsson minnkaði muninn eftir að hafa afgreitt boltann í netið eftir aukaspyrnu.

Njarðvíkingar áttu tækifæri í lokin en þurftu tvö mörk til að jafna viðureignina. Omar Diouck var í dauðafæri á 90. mín og skaut í stöng.

Lokaniðurstaðan vonbrigði annað árið í röð hjá Njarðvíkingum.

Leikurinn á Króknum var sannkallaður markaleikur þar sem hvort lið skoraði fjögur mörk. 

Deildarmeistarabikarinn var afhentur Víðismönnum í dag og þegar liðið kom í Garðinn í lögreglufylgd brutust út mikil fagnaðarlæti eins og sjá má í myndasafni hér að neðan en Hilmar Bragi var með myndavélina í Garðinum í kvöld og tók á móti liðinu og myndaði fagnaðarlætin.

Fyrri hálfleikur

Þróttarar byrjuðu af krafti en Gri/Nja tóku yfir

Þróttastúlkur mættu af mikilli hörku inn í leikinn og strax á 4. mínútu skapaðist gífurleg hætta í teig Grindavíkur/Njarðvíkur. Þróttur átti þar þrjár tilraunir í sömu sókninni þar sem Katie Cousins, Kayla Marie Rollins og Unnur Dóra Bergsdóttir reyndu allar skot, en vörn Suðurnesjakvenna fleygði sér fyrir boltann af stakri hetjudáð.

Eftir því sem leið á hálfleikinn náðu Suðurnesjakonur meiri tökum á leiknum. Ása Björg Einarsdóttir og Elísa Birta Káradóttir voru sífellt að valda hættu með sprettum sínum og vörn Þróttar, undir forystu Mistar Funadóttur, þurfti að hafa sig alla við – en Mist nældi sér snemma í gult spjald fyrir að stöðva Ellie Coffield. Þrátt fyrir fín tækifæri á báða bóta var staðan jöfn, 0-0, þegar flautað var til hálfleiks.

Seinni hálfleikur

Síðari hálfleikurinn bauð upp á algjöra rússíbanaferð

69. mínúta – Gri/Nja tekur forystuna (1-0):
Eftir flotta sókn fann Hrafnhildur Salka Sophiu Faith í frábærri stöðu. Sophia kom boltanum fyrir þar sem Ása Björg Einarsdóttir náði að stjórna boltanum meistaralega og senda hann örugglega í fjærhornið. Grindavík/Njarðvík komið yfir við mikinn fagnaðarlæti sinna stuðningsmanna.

75.–76. mínúta – Víti og jöfnun Þróttar (1-1):
Gleðin varð þó skammvinn hjá Grindavík/Njarðvík. Elísa Birta braut af sér innan teigs og Þórður dómari benti örugglega á punktinn. Sæunn Björnsdóttir steig af öryggi á punktinn og setti boltann niðri í vinstra hornið. Staðan orðin 1-1.

82. mínúta – Sigurmark Þróttar (1-2):
Þróttarar nýttu meðbyrinn af fullum krafti. Björg Gunnlaugsdóttir fann Unni Dóru Bergsdóttur auða og aleina inni í teig Grindavíkur/Njarðvíkur, sem þakkaði kærlega fyrir sig og kláraði færið af stakri prýði.

Ótrúlegur lokakafli

Lokamínúturnar voru spennuþrungnar. Grindavík/Njarðvík færði miðvörðinn Emmu Nicole Phillips upp í framlínu í leit að jöfnunarmarki.

Á 88. mínútu átti Mollee, markvörður Þróttar, sem hafði þurft aðhlynningu og leikið meidd á lærinu stóran hluta seinni hálfleiks, ótrúlega vörslu þegar hún varði skalla af stuttu færi frá Sophiu. Mollee og hélt Þrótturum yfir með ótrúlegum hætti í markinu allt til lokaflautsins en sex mínútum hafið verið bætt við leikinn, aðallega vegna meiðsla markvarðar Þróttar.

Hér að neðan eru viðtöl sem Hilmar Bragi tók í leikslok.

Leikurinn var hnífjafn og spennandi framan af þar sem mikið gekk á í síðari hálfleik og dómarinn þurfti oft að grípa til gulu spjaldanna. Úrslitin réðust loks á 76. mínútu þegar Valgerður Gríma Sigurjónsdóttir skoraði eina mark leiksins og tryggði KR-konum dýrmætan sigur.

Með sigrinum lauk KR tímabilinu í 2. sæti deildarinnar með 35 stig, fyrir aftan meistara Gróttu sem sitja á toppnum með 41 stig. Haukar fylgja fast á hæla þeirra í 3. sæti með 33 stig. Keflavík endar tímabilið í 8. sæti með 21 stig, á meðan Tindastóll situr á botninum með 3 stig.

Fyrir leikinn var útlitið allt annað en þægilegt fyrir Vogamenn sem voru í harðri fallbaráttu. Leikurinn byrjaði af krafti og rétt fyrir hálfleik sté Eyþór Orri Ómarsson fram og kom heimamönnum í 1–0 á 45. mínútu.

Síðari hálfleikur var æsispennandi og taugarnar voru þandar. Á 78. mínútu jafnaði Ólafur Jóhann Steingrímsson leikinn fyrir Magna og allt í einu stefndi í að Þróttur myndi missa dýrmæt stig og falla niður í 3. deild.

Vogamenn gáfust hins vegar ekki upp. Einungis sex mínútum síðar, á 84. mínútu, reyndist Valur Þór Hákonarson hetja liðsins þegar hann skoraði sigurmarkið, 2–1, við mikinn fögnuð viðstaddra.

Með sigrinum náði Þróttur V. 23 stigum í 10. sæti deildarinnar og björguðu sér frá falli á lokasprettinum, en KFG (22 stig) fellur ásamt Hvíta riddaranum (17 stig).

Villt fagnaðarlæti brutust út við lokaflautið enda um alvöru björgunarafrek að ræða á síðustu mínútum tímabilsins.

Lokaumferðin í 3. deild karla í knattspyrnu bauð upp á mikla spennu og dramatík þegar línurnar voru dregnar varðandi hvaða lið myndu fylgja meisturum Víðis upp í 2. deild.

Reynir Sandgerði vann stórsigur en KH tryggði sér sætið

Reynismenn mættu af miklum krafti í sinn leik á Bronsvellinum og unnu öruggan 4-0 sigur á KÁ.

Ingólfur Sigurðsson kom Reyni á bragðið á 17. mínútu og skoraði svo annað mark sitt og fjórða mark leiksins á 90. mínútu.

Hin tvö mörkin áttu Helgi Snær Agnarsson (63') og Max William Leitch (78').

Þrátt fyrir þennan glæsilega sigur dugði það ekki fyrir Sandgerðinga. Til þess að Reynir gæti tryggt sér 2. sætið þurfti KH að mistakast að vinna sinn leik. En KH sótti dýrmætan 2-3 sigur gegn KF á Ólafsfjarðarvelli.

Hressilegur átta marka leikur á Sauðárkróki

Meistarar Víðis fóru í heimsókn á Sauðárkróksvöll og mættu Tindastóli í algjörri markaveislu sem lauk með 4-4 jafntefli.

Tindastóll komst snemma yfir með marki frá Arnari Ólafssyni (5').

Ísak John Ævarsson snéri leiknum við fyrir Víði með tveimur mörkum á 14. og 39. mínútu.

Í upphafi seinni hálfleiks kom Guðni Bent Helgason Tindastóli aftur yfir með tveimur mörkum (49' og 56').

Víðir jafnaði á 77. mínútu þegar sjálfsmark varð hjá Tindastóli (Benjamín Jóhannes Gunnlaugarson), en Sverrir Hrafn Friðriksson kom Tindastóli aftur yfir á 87. mínútu.

Það var svo Ísak John Ævarsson sem fullkomnaði þrennu sína þegar hann skoraði úr vítaspyrnu á 90. mínútu og tryggði Víði 4-4 jafntefli.

Víðir lýkur því keppni í 1. sæti deildarinnar með 45 stig og er meistari 3. deildar 2026, á meðan KH fylgir þeim upp í 2. deild. Reynir situr áfram í 3. deildinni

Markahæstir í 3. deildinni í sumar voru Jordan Smylie úr Reyni með 16 mörk og Ísak John Ævarsson úr Víði með 15 mörk.

Mikið er um að vera fyrir leik en sameiginlegu FanZone-svæði beggja liða verður komið upp við Þróttarheimilið á milli 14:00 og 15:30. Þar verður alvöru bikarstemning fyrir alla fjölskylduna þar sem boðið verður upp á mat, drykki, hoppukastala, knattþrautir og lifandi tónlist.

Þá mætir Macron einnig á svæðið með merktan varning svo stuðningsfólk geti birgt sig upp af gulum, grænum og bleikum fatnaði áður en stigið er inn í stúku.

Miðasala er enn í gangi á midasala.ksi.is og eru stuðningsmenn hvattir til að fjölmenna og öskra stelpurnar áfram til sigurs í þessum úrslitaleik.

„Ef ég á að vera alveg hreinskilinn þá gerði ég mér kannski ekki vonir um efri hlutann í vor. Stefnan okkar var fyrst og fremst að halda okkur í deildinni. En þegar leið á tímabilið sáum við að það var góður séns og við tókum hann,“ segir Haraldur Freyr Guðmundsson þjálfari Keflavíkinga en liðið tryggði sér sæti í efri hluta Bestu deildar karla í knattspyrnu, en liðinu var spáð neðsta sæti deildarinnar af sérfræðingum og fleirum, fyrir tímabilið. Víkurfréttir heyrðu í Haraldi Frey Guðmundssyni, þjálfara Keflvíkinga, og ræddu um vegferð sumarsins, leikmannaveltuna, nýja stefnu félagsins og komandi úrslitakeppni.

Efri hlutinn staðreynd – Viðsnúningur tímabilsins

Það ríkir mikil ánægja meðal stuðningsmanna liðsins eftir að Keflavík tryggði sig á meðal sex efstu liða Bestu deildarinnar fyrir úrslitakeppnina. Eftir 22 leiki stendur liðið í 6. sæti deildarinnar – árangur sem mörgum þótti fjarlægur í vor.

Haraldur segir að þrátt fyrir smá mótbyr undir lok reglulegs tímabils hafi markmiðið náðst. „Þrátt fyrir að við höfum tapað síðustu tveimur leikjunum í deildinni og þetta hafi kannski ekki lengur verið alveg í okkar höndum á lokasprettinum, þá tókst þetta. Við erum náttúrulega gríðarlega ánægðir með það.“

Þegar hann er spurður um lykilinn að þessum árangri segir Halli: „Það eru fyrst og fremst leikmennirnir. Við náðum að búa til mjög þéttan hóp og fengum inn rétta leikmenn sem pössuðu fullkomlega við það sem við vildum standa fyrir.“

Frábær stökkpallur fyrir unga leikmenn

Árangur Keflavíkur hefur vakið athygli og margir leikmenn staðið sig vel. Unnið hefur verið markvisst í að gefa ungum leikmönnum tækifæri, sem hefur skilað sér í stórum félagaskiptum síðsumars.

Lykilmenn á borð við Davíð Helga Aronsson (fór til Lyngby í Danmörku) og Breka Baxter (seldur til Egersund í Noregi) eru farnir á erlenda grundu, auk þess sem Eiður Orri Ragnarsson hefur verið seldur til meistara Víkings en klárar tímabilið á láni í Keflavík.

„Það eru tveir ungir og efnilegir leikmenn sem koma til Keflavíkur, fá sénsinn, blómstra og fá verðlaun í kjölfarið með því að taka næsta skref á ferlinum. Það er frábært fyrir okkur sem félag. Við getum sýnt ungum leikmönnum fram á að þeir geti komið hingað og tekið næsta skref í sínum ferli,“ segir Haraldur.

Breiddin prófuð: „Veiktumst ekki við breytingarnar“

Að missa stóra hlutverka- og lykilmenn um miðja vertíð getur reynst mörgum liðum erfitt. Ásamt sölu ungra leikmanna fækkaði enn frekar í leikmannahópnum þegar tveir leikmenn hættu.

„Allt í einu fór að fækka svolítið mikið mannskapnum á æfingum. En við vorum með góða breidd og holla samkeppni. Þegar einhver datt út eða fór, þá veiktist liðið lítið sem ekkert – stundum styrktist það jafnvel bara. Leikmenn eins og Nacho og Marín náðu að mynda mjög gott hafsentapar, og við náðum að hreyfa menn til án þess að missa taktinn.“

Á lokadegi félagaskiptagluggans bætti Keflavík við sig tveimur sterkum leikmönnum, þeim Elvis og Matej, til að tryggja breiddina fyrir lokasprettinn. „Það eru tveir mjög góðir leikmenn en þeir þurfa að hafa fyrir því að komast í liðið því hinir hafa verið að standa sig vel,“ bætir Haraldur við.

Samskiptin við bæjarbúa og vallaraðstæður

Aðspurður um stemninguna í bænum segir Haraldur að áhuginn á liðinu sé gríðarlegur, þó svo að mætingin á heimaleikina megi stundum vera betri.

„Það er mikill áhugi á liðinu í bænum en mætingin var á köflum slök. Við þurfum kannski að horfa í vallaraðstæðurnar hjá okkur – völlurinn er orðinn svolítið lúinn og það mætti fara að gera eitthvað í þeim málum. Mörgum finnst líka auðveldara að sitja heima og horfa á leikinn í sjónvarpinu. Við þurfum að finna leiðir til að fá fleira fólk á völlinn, en við finnum að bærinn stendur við bakið á okkur og fólk fylgist vel með,“ segir þjálfarinn að lokum.

Áætlað er að meistaraflokkur Víðis mæti með bikarinn í Garðinn í kringum klukkan 22:00, en tekið verður á móti hópnum við gamla pósthúsið gegnt Kjörbúðinni.

Slegið verður í alvöru hátíðarhöld síðar um kvöldið á lokahófi félagsins en upplýsingar um það er að finna á samfélagsmiðlum Víðis.

Gylfi Tryggvason, þjálfari Grindavíkur/Njarðvíkur, segir stemninguna í hópnum vera mjög góða fyrir stóra leiknum, þrátt fyrir að biðin hafi verið löng síðan liðið tryggði sér sætið með 0-3 útisigri á Fram í lok júlí.

„Það leggst bara mjög vel í okkur. Við erum búin að bíða lengi eftir leiknum og liðið er mjög spennt. Við komum á fljúgandi siglingu inn í þennan leik og hlökkum mikið til að fá að upplifa þetta,“ segir Gylfi.

Miklar mannabreytingar í sumar

Tímabilið hjá liðinu hefur verið nokkuð sérstakt en mikil hreyfing hefur verið á leikmannahópnum. Um 12 til 13 leikmannabreytingar hafa átt sér stað á tímabilinu og telur Gylfi það skýra ákveðinn óstöðugleika í leik liðsins, sem hefur átt mjög stóra sigra en líka leiki þar sem mikið hefur verið skorað gegn því.

„Við vorum með unga leikmenn sem fóru í háskóla í Bandaríkjunum, meidda leikmenn, lánsmenn sem voru kallaðir til baka og leikmenn sem við seldum. Sumt af þessu var undirbúið en annað ekki, eins og meiðslin. En okkur tókst að púsla saman samkeppnishæfu liði, tryggja okkur áfram í deildinni og komast í bikarúrslitin. Nú þurfum við bara að klára þetta á laugardaginn.“

Hörkuleikir gegn Þrótti

Mótherjarnir í Þrótti R. eru vel þekktir en liðin hafa mæst fimm sinnum á tímabilinu ef vetrarmótin eru talin með. Gylfi býst við hörkuleik.

„Það er alltaf gaman að spila við Þrótt. Þetta hafa alltaf verið hörkuleikir og ég held að þetta verði mjög áhugaverður leikur að mörgu leyti.“

Natasha Anasi, sem skoraði eitt af mörkunum í undanúrslitaleiknum gegn Fram, sagði eftir þann leik að liðið væri stolt af sínum árangri sem nýliðar í efstu deild: „Ég held að við séum búin að sýna fullt af fólki að við getum alveg spilað í efstu deild. Við erum að spila skemmtilegan fótbolta og gera flotta hluti.“

Mætum gul, græn og bleik!

Fram undan er því sögulegur dagur fyrir knattspyrnuna í Grindavík og Njarðvík. Hvetja forráðamenn liðsins alla Suðurnesjamenn til að mæta gulu, grænu og bleiku á Laugardalsvöll á laugardaginn og öskra stelpurnar áfram til sigurs. Miðasala er í fullum gangi á midasala.ksi.is.

Gestirnir úr Reykjavík höfðu betur, 0–1, á JBÓ-vellinum í dag í leik sem einkenndist af mikilli baráttu, líkamlegri hörku og dramatískum lokamínútum. Mark Sigurðar Egils Lárussonar á 7. mínútu leiksins reyndist eina mark leiksins og tryggði Þrótti mikilvægt forskot fyrir seinni viðureignina. Njarðvíkingar kjósa hins vegar að horfa jákvætt á þetta og sjá Þrótt bara leiða með einu marki þegar blásið verður til seinni leiks liðanna á sunnudaginn.

Leikurinn fór af stað af miklum krafti og strax á 3. mínútu dró til tíðinda þegar Oumar Diouck slapp í gegnum vörn Þróttar. Þórhallur í marki Þróttara kom langt út á móti og stöðvaði hann, en heimamenn vildu fá brot og rautt spjald án þess að dómarinn samþykkti þær kröfur.

Einungis fjórum mínútum síðar kom eina mark leiksins. Aron Snær Ingason sótti upp völlinn og lagði boltann yfir á fjærstöngina þar sem Sigurður Egill mætti og stýrði boltanum örugglega í netið, 0–1.

Eftir markið einkenndist fyrri hálfleikur af mikilli baráttu á miðjunni. Njarðvíkingar ógnuðu helst úr föstum leikatriðum og fékk Felix Lima Santos meðal annars hættulegan skalla yfir markið. Þróttarar voru nærri því að bæta við marki á 31. mínútu þegar Aron Snær nýtti sér hik í vörn heimamanna, en Guy Smit varði meistalega í marki Njarðvíkur.

Síðari hálfleikur var framhald af þeim fyrri þar sem mikið gekk á. Bæði lið fengu tækifæri til að breyta stöðunni; Smit þurfti oft að reyna á sig í marki Njarðvíkur og Þórhallur varði frábærlega frá Diouck á 68. mínútu þegar sóknarmaðurinn fékk mikið dauðafæri af stuttu færi.

Undir lok leiksins færðist mikill hiti og spenna í viðureignina. Heimamenn sóttu án afláts og kröfðust bekkur og leikmenn Njarðvíkur vítisspyrnu í tvígang á lokakaflanum eins og sjá má meðal annars í myndasafni með fréttinni, ásamt því að vera afar ósáttir við ákvarðanir dómara leiksins. Heimamenn fengu síðan gullið tækifæri til að jafna í uppbótartíma þegar varnarmenn Þróttar hentu sér fyrir öflugt skot innan teigs og næsta skot í kjölfarið fór hárfínt framhjá stönginni.

Gestirnir úr Laugardalnum héldu hins vegar út allt til flautað var til leiksloka og fögnuðu mikilvægum sigri, á meðan heimamenn máttu þola svekkjandi naumt tap. Liðin mætast í síðari leiknum á sunnudaginn.

Njarðvíkingar enduðu í 5. sæti Lengjudeildar eftir 2-1 sigur á toppliði Aftureldingar og leika í úrslitakeppni um laus sæti í Bestu deild karla.

„Grillaðir hamborgarar, kaldir drykkir svo um að gera mæta og taka kvöldmatinn á JBÓ Vellinum.

Mætum græn og klár að styðja okkar menn til sigurs,“ segir í tilkynningu frá Njarðvík.

Á lokahófinu komu leikmenn og stjórn saman til að gera upp sumarið. Þar voru veittar hefðbundnar viðurkenningar fyrir frammistöðu tímabilsins:

• Besti leikmaðurinn: Damir Muminovic

• Efnilegasti leikmaðurinn: Mikael Máni Þorfinnsson

• Markahæsti leikmaðurinn: Rúnar Ingi Eysteinsson

Sérstakar þakkir og blómvöndur voru einnig veitt þeim Rannveigu og Ágústu frá stjórn deildarinnar fyrir ómetanlegt framlag og aðstoð í kringum heimaleiki liðsins á tímabilinu.

Knattspyrnudeild Grindavíkur lýsti tímabilinu sem erfiðu en lærdómsríku og sendi skilaboð um að liðið muni mæta sterkara til leiks á næsta ári.

23. umferð - 13. september

• Víkingur R. – Keflavík
• KR – ÍA
• Fram – Breiðablik

24. umferð - 20. september

• Keflavík – Fram
• KR – Víkingur
• ÍA – Breiðablik

25. umferð - 11. október

• Víkingur – ÍA
• Fram – KR
• Breiðablik – Keflavík

26. umferð - 18. október

• Breiðablik – Víkingur
• Fram – ÍA
• Keflavík – KR

27. umferð - 24. október

• Víkingur – Fram
• KR – Breiðablik
• ÍA – Keflavík

Leikurinn byrjaði af krafti og Grindavík/Njarðvík fékk sitt fyrsta horn á 8. mínútu. Mínútu síðar nýttu heimakonur sér pressuna: Valskonur náðu að koma hornspyrnunni frá í fyrstu en boltinn var sendur aftur af krafti inn á teiginn. Þar var Natasha Moraa Anasi skilin eftir alein, fékk nægan tíma til að leggja boltann fyrir sig og kláraði af mikilli yfirvegun, afar einfalt og vel útfært mark sem kom Grindavík/Njarðvík í 1–0.

Valskonur létu slæma byrjun þó ekki á sig fá og sneru leiknum við áður en langt um leið.

Mörkin í leiknum:

• 9' (1–0): Natasha Moraa Anasi kom Grindavík/Njarðvík yfir. Valskonur komu hornspyrnu frá en heimakonur sendu boltann aftur inn á teiginn þar sem Natasha var alein, lagði boltann fyrir sig og skoraði af yfirvegun.
• 17' (1–1): Lillý Rut Hlynsdóttir jafnaði metin fyrir Val eftir hörkusókn.
• 36' (1–2): Emma Hawkins kom Valskonum yfir áður en flautað var til hálfleiks.
• 48' (1–3): Málfríður Anna Eiríksdóttir bætti þriðja markinu við strax í upphafi síðari hálfleiks.
• 51' (1–4): Emma Hawkins var aftur á ferðinni og gulltryggði sigur gestanna með sínu öðru marki.

Þrátt fyrir tapið tryggði Grindavík/Njarðvík sér sæti í efri hlutanum fyrir úrslitakeppnina, en Valur náði dýrmætum stigum í baráttunni. Nú fær Grindavík/Njarðvík viku til að hrista þetta tap af sér og mæta af fullum þunga í bikarúrslitin um næstu helgi.

Hafþór hefur verið ómetanleg stoð og stytta fyrir félagið í sumar. Þótt oft sé erfitt að fá sjálfboðaliða stendur hann alltaf vaktina af miklu stolti; hann sést aldrei án þess að sýna lit og hefur meira að segja komið fyrir Víðisfánanum heima hjá sér á leikdögum til að hita upp stemninguna í bænum.

En stuðningur hans einskorðast ekki við að hefja fánann til virðingar:

• Ástríða í stúkunni: Hafþór reddar sér alltaf fari og mætir á alla útileiki liðsins.

• Margvísleg hjálp: Hann hefur lagt hönd á plóg við undirbúning heimaleikja og hjálpað til við stórviðburði á borð við Þorrablót Víðis.

• Ljúfmeti í hálfleik: Í sumar bauðst hann til að baka fyrir hálfleikskaffið ásamt móður sinni – framtak sem gladdi marga kaffigestinn.

Hjá Knattspyrnufélaginu Víði ríkir mikill hlýhugur og þakklæti í garð Hafþórs, en félagið minnir um leið á hve dýrmætur allur stuðningur er, hvort sem hann felst í mætingu á palla, fjárstyrkjum eða sjálfboðavinnu. Samfélagið í Garðinum stendur þétt að baki sínu liði og fagnar þessari verðskulduðu viðurkenningu Hafþórs, segir á síðu Víðis á Facebook.

Heimakonur í Keflavík gerðu út um leikinn strax í fyrri hálfleik:

• 15' Olivia Madeline Simmons kom Keflavík yfir (1–0).
  
  

• 26' Guðrún Þórarinsdóttir tvöfaldáði forystuna (2–0) en hún hafði fengið gult spjald stuttu áður.
  
  

• 37' Ariela Lewis bætti við þriðja marki Keflavíkur (3–0).
  
  

• 45' Alexis Simone Wright minnkaði muninn fyrir FHL á lokamínútu fyrri hálfleiks (3–1).

Engin mörk voru skoruð í síðari hálfleik og lokatölur urðu því 3–1.

Eftir leikinn situr FHL í 6. sæti deildarinnar með 24 stig en Keflavík fylgir fast á hæla þeirra í 7. sæti með 21 stig.

Gestirnir voru betri aðilinn fyrstu mínúturnar en heimamenn áttu sínar sóknir og héldu síðan boltanum meira í fyrri hálfleik en náðu ekki að skapa sér nógu góð marktækifæri. Gestirnir skoruðu ódýrt mark á 36. mínútu og leiddu með því marki í hálfleik.

Þeir bættu síðan við öðru marki á 53. mínútu þegar Dagur Orri Garðarson skoraði eftir klúður í vörn heimamanna. Eftir þetta tóku heimamenn smám saman öll völd á vellinum. Það skilaði marki á 69. mínútu. Marin Mudrazija skoraði af stuttu færi eftir markskot frá Degi Inga Valssyni. Á 89. mínútu var Muhamed Alghoul felldur í vítateig Valsmanna og heimamenn héldu að þeir væru að fá víti en dómarinn var á öðru máli. Keflvíkingar pressuðu mikið en tókst ekki að jafna leikinn.

Keflvíkingar töpuðu sínum öðrum leik í röð í tveimur síðustu leikjum deildarinnar fyrir umskiptingu í úrslitakeppni. Þeir Þessi úrslit þýða að Keflvíkingar þurfa að treysta á hagstæð úrslit í leikjum ÍA og Stjörnunnar á morgun, til að halda sér í efri hluta deildarinnar. ÍA er stigi á eftir Keflavík en með marki betra. Stjarnan er tveim stigum á eftir en þremur mörkum verra hlutfall.

852 áhorfendur voru á pöllunum í Keflavík í dag.

Heimamenn í Fjölni komust yfir á 24. mínútu leiksins þegar Árni Steinn Sigursteinsson kom boltanum í netið. Þróttarar mættu hins vegar ákveðnir til leiks í síðari hálfleik og náðu að jafna metin á 70. mínútu þegar varamaðurinn Danny De Lorijn skoraði aðeins nokkrum sekúndum eftir að hafa komið inn á af bekknum.

Erfið staða fyrir lokaumferðina

Stigið tryggir að Þróttur V. á enn möguleika á að bjarga sér frá falli í 3. deild, en verkefnið er stórt:

Staðan í töflunni: Þróttur V. er í 11. sæti með 20 stig (-10 í markatölu), tveimur stigum á eftir KFG sem er í 10. sæti með 22 stig (-19 í markatölu).

Lokaumferðin: Þróttur mætir einmitt KFG á heimavelli í úrslitaleik um lífið í deildinni.

Hvað þarf að gerast? Þróttur Vogum verður að vinna KFG í lokaumferðinni til að tryggja sér 10. sætið og halda sæti sínu í deildinni. Öll önnur úrslit (jafntefli eða tap) þýða að Þróttur fellur.

Heimamenn í Njarðvík voru miklu sterkari aðilinn í fyrri hálfleik og fengu mörg marktækifæri. Þeir nýtt tvö þeirra. Viktor Nói Viðarsson skoraði á 16. mínútu. Hrafn Guðmundsson tvöfaldaði forskot UMFN eftir hornspyrnu. Arnleifur sendi boltann með skalla á Omar Diouck sem framlengdi hann með höfðinu til Arnleifs sem stangaði hann í netið 2-0.

Seinni hálfleikur var tíðindaminni og gestirnir úr Aftureldinu minnkuðu muninn á 88. mínútu en þar við sat og heimamenn tóku þrjú stigin.

UMFN leikur fyrri leikinn gegn Þrótti 9. september en þann seinni 13. sept. Um útsláttarkeppni er að ræða og sigurliðin mætast í hreinum úrslitaleik um sæti í Bestu deildinni í lok september.

Það hlýtur að koma á óvart að Grindvíkingar séu á leiðinni í 2. deild. Þeir komust í 0-1 forystu gegn Ægi í leik liðanna í dag. Heiðar Snær Ragnarsson kom liðinu í forystu á 16. mínútu en þrátt fyrir færi tókst ekki að auka það forskot í fyrri hálfleik. Það var síðan eins og blaut tuska í andlit Grindvíkinga að fá á sig mark á 62. mínútu. Þeim tókst ekki að bæta við marki og jafntefli dugði ekki því Völsungur sem var með stigi minna í næst neðsta sæti vann sinn leik og Grindvíkingar sátu eftir í næst neðsta sæti og falla.

Með sigrinum komst Víðir í 45 stig þegar ein umferð er eftir af mótinu og getur ekkert lið náð þeim að stigum. Næstu lið geta ekki lengur brúað bilið á toppnum og því er ljóst að Víðismenn leika í 2. deild á næsta ári.

Ísak John Ævarsson lagði grunninn að sigrinum með tveimur snemmbúnum mörkum á 8. og 12. mínútu. Oddur Ingi Bjarnason minnkaði muninn fyrir KV á 18. mínútu, en Edon Osmani sló á allar vonir gestanna með mörkum á 30. og 54. mínútu. Það var svo varamaðurinn Cristovao A. F. Da S. Martins sem kórónaði meistarafagnaðinn með fimmta markinu á 76. mínútu.

Frábær árangur hjá Víðismönnum sem kórónar glæsilegt tímabil með deildarmeistaratitli.

Sandgerðingar í Reyni, sem sitja í 4. sæti deildarinnar, náðu sér hins vegar ekki á strik gegn Ými í gær. Emil Skorri Þ. Brynjarsson var hetja Ýmis, en hann skoraði bæði mörk sinna manna – það fyrra á 20. mínútu og það síðara úr vítaspyrnu á 69. mínútu.

Í frétt frá Keflavík kemur fram að þegar appið er sótt sé verið að styrkja félagið beint. Hver skráning styrkir starfið, meistaraflokka og ekki síst yngri flokkana þar sem framtíðin býr.

Í tilkynningunni segir:

„Í appinu er Fan ID skírteini með QR-kóða sem þú sýnir í símanum. Með því færðu afslætti hjá fyrirtækjum í okkar nærumhverfi sem standa með Keflavík. Farðu út að borða á Kef Restaurant, fáðu þér pizzu hjá Antons Mamma Mía, samloku á Public Deli eða kaffi á Kef Cafe. Kíktu á Paddys, Brons eða Dubliners eftir leik. Slakaðu á í Kef SPA. Uppfærðu skápinn í Skóbúðinni, hjá Viney, Suitup eða Macron og gríptu blómvönd í Blómaskúr Villu á leiðinni heim.

Allt með afslætti fyrir Fan ID-hafa.

Nokkrar heimsóknir í bæinn og appið hefur greitt sig sjálft, og meira til. Fyrirtækin styðja félagið, þú styður fyrirtækin og félagið, og allir vinna. Samstarfsaðilar okkar í dag: Paddys · Brons · Dubliners · Kef Restaurant · Kef SPA · Kef Cafe · Public Deli · Antons Mamma Mía · Skóbúðin · Viney · Blómaskúr Villu · Suitup · Macron. Og þetta er rétt að byrja! Við stefnum á að fjölga samstarfsaðilum jafnt og þétt.

Rekur þú fyrirtæki á Suðurnesjum og vilt komast í appið?

Hafðu samband við okkur. Þetta er einföld leið til að ná til fjölda Keflvíkinga og standa um leið með félaginu. Í appinu finnur þú meðal annars: - Dagatal með öllum leikjum félagsins, karla og kvenna, í fótbolta og körfubolta

- Úrslit, atburðarás og tölfræði leikmanna í beinni - Fréttir af félaginu á einum stað - Verslun félagsins með sértilboðum fyrir appnotendur - Fan ID og afslætti hjá samstarfsfyrirtækjum okkar. 

Komdu á völlinn á laugardaginn og fáðu gjöf. Allir sem skrá sig í appið og mæta á HS Orku völlinn þegar Keflavík tekur á móti Val laugardaginn 5. september kl. 16:30 fá fría Keflavíkur derhúfu eða trefil á meðan birgðir endast. Sýndu Fan ID-ið þitt í appinu við innganginn. Appið er komið í App Store og Google Play.

Sæktu það í dag, skráðu þig og vertu hluti af því að byggja upp Keflavík. Áfram Keflavík!

*Appið er nýtt og enn í mótun. Ef þú rekst á villu, vantar leik í dagatalið eða hefur hugmynd að einhverju sem mætti bæta, þá viljum við endilega heyra af því. Farðu í Notandi → Endurgjöf í appinu og sendu okkur línu. Allar ábendingar hjálpa okkur að gera appið betra fyrir ykkur.