Hvatningin: Að fylgja helstu ráðleggingum alþjóðlegra heilbrigðissamtaka
Í verkefninu Fjölþætt heilsuefling 65+ í Reykjanesbæ hafa þátttakendur fylgt helstu ráðleggingum alþjóðlegra heilbrigðissamtaka og Embætti landlæknis um hreyfingu og heilsusamlegt mataræði en þær eru:
- Dagleg hreyfing í um 30 mínútur.
- Styrktarþjálfun að minnsta kosti tvisvar sinnum í viku.
- Notkun á olíu og mjúkri fitu í stað harðrar fitu.
- Hvatt er til aukinnar neyslu á grænmeti, ávöxtum, fiski, mögrum mjólkurvörum og grófu korni.
- Hófleg notkun á salti, sykri, gosdrykkjum og sætindum.
Að auki mælum við með:
- Að fylgjast með heyrninni.
- Að hætta að reykja ef þú reykir.
- Að leita aðstoðar við þunglyndi ef það er að trufla daglegar athafnir þínar.
- Að stunda fjölbreytta líkamlega þjálfun eins og að dansa, synda eða leika golf, hugrækt, jóga og slökun.
- Að ná stjórn á streitu og háum blóðþrýstingi með bættu mataræði, hreyfingu og nægum svefni.
- Að efla félagslega virkni með reglulegri þátttöku í félagsstarfi.
- Að halda blóðsykri í skefjum með markvissri hreyfingu og næringu.
- Að ná nægum og góðum svefni en svefnþörf 65 ára og eldri er 7–8 klukkustundir.
- Að halda æskilegri kjörþyngd.
- Að þykja vænt um sjálfan sig.
- Að hlúa að öðrum.
Með bestu kveðjum,
Janus Guðlaugsson,
PhD-íþrótta- og
heilsufræðingur
