Video: Hryllingsbúðin flutt á bókasafni Reykjanesbæjar

Leikfélag Keflavíkur undirbýr nú sýningu á Litlu hryllingsbúðinni sem fer í sýningu 24. febrúar. Að því tilefni mættu leikarar á bókasafn Reykjanesbæjar og héldu opna samlesturs og samsöngsæfingu fyrir gesti og gangandi.

Leikfélagið fagnar 20 ára afmæli á þessu ári og er þessi klassíska sýning sett upp af því tilefni. Leikstjóri er leikarinn góðkunni Þorsteinn Bachmann en tónlist er í höndum heimamannsins Arnórs Vilberssonar.