„Vel gert“

Lögreglan á Suðurnesjum sá ástæðu til þess að koma hrósi til ökumanna á framfæri á facebook síðu sinni í gær. Alla morgna er lögreglan á Suðurnesjum við eftirlit við skóla í umdæminu. Í gærmorgun var bifreið frá þeim staðsett meðal annars við leikskólann Vesturberg við Vesturbraut. „95 bifreiðum var ekið þarna um á tímabilinu 07:45-08:05 og var meðalhraði bifreiðanna 44 km/klst en hámarkshraði þarna er 50 km/klst. Sá sem hraðast ók reyndist aka á 56 km/klst en sá sem hægast fór reyndist aka um á 25 km/klst,“ segir á síðunni. Jafnframt var fylgst með notkun öryggisbelta og segir lögreglan að allir sem óku þarna um hafi verið með belti spennt. „Vel gert,“ segir lögreglan að endingu. Gott hjá lögreglunni.