Veiðimenn farnir að eltast við makrílinn
Eitthvað er farið að bera á makríl í Keflavíkurhöfn og ungir sem aldnir hafa tekið fram veiðistangir, klárir að láta reyna á veiðimannshæfileika sína.
Ljósmyndari Víkurfrétta átti leið hjá höfninni þar sem fjöldi veiðimanna var búinn að koma sér vel fyrir á bryggjunni og kastaði í gríð og erg í von um að krækja í makríl í soðið. Engar áreiðanlegar aflatölur fengust en það var glaðst yfir öllu sem beit á spúninn og hjartað tók líka kipp þegar agnaldið greip í botninn – en látum myndirnar tala sínu máli, þær segja meira en mörg orð.
Veiðimenn eltast við makrílinn
