Vegleg dagskrá hjá Landsbankanum hefst á morgun

Landsbankinn í Keflavík stendur að veglegri dagskrá á Ljósanótt sem hefst á morgun með barnaskemmtun í bankanum. Sproti kemur þá í heimsókn og fá börnin Svala og ís.

Síðar um daginn eða kl. 16:00 verða það félagarnir í Guitar Islancio sem sýna snilli sína á strengjabrettin og fleira. Kl. 18 verða það leikmenn úr Landsbankadeildinni sem stjórna risafótbolta á Landsbankaplaninu. Ingó og Veðurguðirnir taka lagið og húmoristarnir í Baggalút verða á staðnum kl. 20:00.

Á laugardag er dagskrá Landsbankans eftirfarandi:

13:30 – Tékknesk strengjasveit
14:00 – Alexandra Chernyshova, sópran
14:30 – Harmonikkufélagið leikur sjómannavalsa
15:00 – Tríó, Berglind Stefánsdóttir, flauta, Dagný Marinósdóttir, flauta og Sigurgeir Agnarsson, selló.
15:30 – Kvennakór Suðurnesja
16:00 – Tríó, Jana María Guðmundsdóttir, söngkona, ásamt kontrabassa og píanói.
16:30 – Karlakór Keflavíkur
17:00 – Dúettinn Birta og Sjonni leika léttan jass.